沙田頗有特色茶餐廳，不過眼睛生響頭殼上

egg_studio

呢間茶餐廳早前響電視出現過，有少少人氣，所以大家不約而同地叫我帶隊試試 / 參觀，結果分兩轉，一連兩日食咗兩個午飯。

茶餐廳入口隱蔽，亦係呢個原因，好多人根本搵唔到入口。





其他照片請看會員相簿或 www.eggstudio.com

主打特色，就係擺設 -- 主色調為橙色，然後將 d 垃圾唔似垃圾、藝術品一定唔係嘅「物品」通處放、大量過期漫畫、中古黑膠唱片，扮外國餐廳感覺 -- 好多國家嘅遊客區入面，都有好多類似裝修嘅餐廳。點解會係「扮」？因為人地真係用藝術品、工藝品、民俗特色嘅東西嚟裝飾，唔係放「垃圾唔似垃圾、藝術品一定唔係嘅嘢」。



兩日嚟，大家點過嘅有肥牛飯、白汁雞皇飯、咕嚕肉飯、牛雜粗麵、雲吞麵。肥牛飯、白汁雞皇飯及咕嚕肉飯一般茶餐廳水準，奇怪係肥牛飯同白汁雞皇飯都搭條香腸，十分騎呢。潮洲粉麵就強差人意；樓上有間頗有名氣的潮洲粉麵店，這間「外國 feel」餐廳不及本地貨。

餐飲有檸檬茶及檸檬水。大家都冇話少甜，但所有都係唔甜。請待應加糖水，佢話冇得加 -- 可能因為上過一兩次電視就眼睛生響頭殼上。

Homan

係唔係晚上有得打邊爐果間？

egg_studio

依家冇做邊爐了。