昌少佢既太太阿MAY係我地三人食緊魚蛋粉之際，不停出口術支持我地，而親愛又偉大既昌少更將佢既保暖手套同頭燈既3粒電芯交比我同周生，正所謂"飽暖思淫慾",我為左令大家無咁眼訓,係行去M100標距柱既途中,同兩位隊友品評周秀娜既身材,大家講得興合合,自然有力行山~到左公廁位,小弟因內急要到訪一下，出來之後,發覺成山都係人,不過9成都係縮係個SLEEPING BAG訓覺,可能係儲足精力先上山吧~我地三人就有你無你,個豌魚蛋粉仲係個肚暖粒粒既時候,一鼓作氣沖上山,由於年少心雄,上畢架山路段見人就過,心情好時都會講句唔 該借借,假如條友仲係成個大爺咁款拎住佢兩支棍仔滑雪咁滑,小弟就會暴力地以肩膀開路,行至CP前的洛山路段,我面如死灰,因為三人辛辛苦苦靠"剪草機"得番來既時間,可能要係度白白浪費,前面有一條十足十輪米咁既蛇餅，山路淺窄，都無位比我地突圍,唯有慢慢等,好在,我地係20分鐘後都順利上左CP,不過個CP比較膠,要上山後再洛山經原路走。
到達CP後,都係指定動作,登記，補水,望囡囡。唔同既係，張生變左一張PASS。可能見我地只有三個人既關係,工作人員送左一個隊友比我地，有一個老外因其他三名隊友不能參賽,要係每個CPJOIN埋一D三人部隊，以確保佢既安全，行出CP時,WILLY仲有同佢傾兩句,我同周生一早放甩左呢位老外。
洛山路段,之前係第三後坳左獲金既，所以都格外小心，到平地後,SHORTCUT在前，周生一聲"熄頭燈",三人就走左入教育徑SHORTCUT,可能黃生眼訓得濟,仲傻傻地跟住我地行,以為自己走緊正路,我回頭一望,無其他人跟住我地。
教育徑又長又悶,不過勝在好行,可以比我地快步前進,途中望見兩位牛人係SHORTCUT中間休息,大約40分鐘後,行到去SHORTCUT出口,開始有D人以奇異既眼光啤我地。過左馬路之後,總算完成左一半，周生去一去廁所,我就同黃生研究一下來緊會用幾多時間，五分鐘後,三人開始搵朋友K部大車,進行我地既"原定計劃"
。
待續.... |
發表於 30-11-2009 19:41:17
發表於 30-11-2009 23:29:36
如果on-schedule. 四點走到嗎？夜晚要去飲呀..
發表於 2-12-2009 13:27:12
)