參觀九龍「地下宮殿」渠務署蓄洪池

egg_studio

繼早前赤柱岩洞污水處理廠後，今日大笪地會員又得渠務署派出工程師、PR 及技術人員接待，一行十幾人高高興興咁參觀大坑東蓄洪池，深入大坑東球場地底的巨大建築，上了一課認識疏導市區雨水的課程。

細個踢波嘅大坑東球場響十幾年前成個球場揭起，做完工程後回覆舊貌，而地底則建造了一個十萬立方米的儲水空間，用作在暴雨期間貯存雨水，防止旺角區水浸。



入蓄洪池同平時入洞一樣，要做足安全準備。


響泵房天台望向球場，球場底部就係蓄洪池。


入到泵房，見到一大堆沙包，立刻問職員，自蓄洪池竣工後，蓄洪池試過「頂唔住」未？職員老實回答，響 2008 年試過浸到頂，所以後來改裝了溢流堰，令它可調節高度，自始未再有浸過頂發生。


三台水泵。


泵房外的綠化牆。


參觀泵房後，沿不起眼的通道往地底。


唔知點解（唔記得問職員），落地底條路要做到 S 形？


點解會有藍燈？因為渠務署為咗接待我地，專登響地面拉線落嚟駁照明（藍燈），另外又拉咗幾十把通風扇幫助抽風，真係大陣仗。


相中遠處近天頂就係溢流堰，當大雨時，雨水會好似瀑布咁從溢流堰湧入身處嘅蓄洪池。


根據資料，蓄洪池 size 為 136 米 x 闊 130 米 x 9.5米。

LamLeungWan@FB

流入池內既水靠幾多個水泵泵走？
經花墟徑同水渠道明/暗渠自己流出海？

egg_studio

一共有 3 個水泵，其中 2 個響水位 1.1m 及 1.2m 時運作，另一個後備。水泵的排水量是 0.9 立方米/秒（以上數據係憑記憶，冇抄低，未必準確）

之後由明定暗渠出海就唔知，你可睇呢張圖：http://www.dsd.gov.hk/TC/HTML/395.html

之後會去參觀荔枝角雨水排放隧道，一樣係閒日早上，日期待署方回覆，你有興趣可報定名。

ShingWong@G

眼界大開 !

野孩子

我都好想去，請問怎樣才可參加你們的活動？

egg_studio

野孩子 發表於 2-3-2017 12:28 AM
我都好想去，請問怎樣才可參加你們的活動？

多留意網站，有活動時會公布，亦可 PM 我或版主留名。

qeiihill

呢D活動真係正, 再有類似都想報