快走龍躍頭、鶴藪、坪洋單車遊

egg_studio

一連幾日炎熱天氣警告，非常適合做戶外劇烈運動，今次快走龍躍頭、鶴藪、坪洋，最後上水大水管走人。

龍躍頭最出名就係「龍躍頭文物徑」，其實係一條村路（仲幾多車行，大家踩單車要留意），貫通「五圍六村」（即老圍、麻笏圍、永寧圍、東閣圍（又稱嶺角圍）及新圍（又稱覲龍圍），以及麻笏村、永寧村（又稱大廳）、祠堂村、新屋村、小坑村及覲龍村。（資料來源：古蹟辦））

不過今日就唔踩曬「五圍六村」，只係由崇謙堂去到鄧公祠就轉入小徑，踩去鶴藪。



「龍躍頭文物徑」起點係崇謙堂。


之後行幾步就到石盧。之前探險版有講，石盧大半年前外面有工程，依家又變番雜草叢生。


然後又係探險版出現過嘅「竹園」。（另看 http://www.photomarket.hk/forum. ... &extra=page%3D1）




轉幾個彎就到鄧公祠。


經布格仔路往鶴藪水塘方向。鶴藪水塘不准踩單車，所以去到鐵閘前就轉入鶴藪郊遊徑 -- 放心，鶴藪郊遊徑係屬少數可以踩單車嘅郊遊徑。


郊遊徑出上禾坑，然後轉入「中草藥研發中心」，繼續走小徑。


小徑會經過幾荒蕪嘅地方，之後轉出沙頭角公路。呢一段要踩少少馬路，直奔坪輋。


坪輋入坪洋嘅村路（著名嘅坪洋 XC 路）已經有不少會員響呢版介紹過，所以唔重覆。唔識路請爬舊 post。可能春秋二祭未到，坪洋 XC 路生密曬，唔識路嘅應該搵唔到。


乜都生密曬。

之後又係例牌路線去上水……炎熱下大家要多做運動，提升體能！

kingswoodkc

嘩, 好多草呀!

egg_studio

我尋日又踩多轉，相反方向。響蓮麻坑路向坪洋方向，啲草已經生到完全冚曬條路。

KongNg@G

Good....

GroupWebike(@G

路線好似幾複雜
但景點多, 又有XC路, 冇得頂!

egg_studio

GroupWebike(@G 發表於 5-9-2016 04:28 PM
路線好似幾複雜
但景點多, 又有XC路, 冇得頂!

大笪地版主都有響「橙新聞」專欄寫呢條路，請多多支持：

http://www.orangenews.hk/lifestyle/almanli/