江南美食變 「江南香港」美食 ~~

egg_studio

前排去橫店玩，食咗幾餐江南菜……但，之後竟然變成 「江南香港」菜？！


呢間燒餅鋪響片場入面，唔係拍戲，係真係古裝人賣緊燒餅，而潘小姐都唔錯。至於武大郎燒餅係咪江南菜？唔知。


五香牛肉。


呢味我最愛，係生吃魚皮，仲非常辣！


鵝肝 -- 食多啲健康啲！


發糕 -- 密度比香港果啲高，夾上手感覺到重量。


牛奶紅豆糕。


炸饅頭 -- 有乜特別？表面脆卜卜，裏面鬆軟。


蟹皇煮豆腐。


酸菜炒豬油渣。


東坡肉就一定要食，不過呢間響杭州嘅食肆嘅出品就……非常差。


黃魚~~


石磨豆腐。


醬爆矮瓜。

之後，就到「香港地道菜」！做乜無啦啦江南變香港？

事緣去到橫店，可能太多香港演員上去拍戲，所以小小一個橫店鎮，有幾間香港人開或者主力做香港人生意嘅「香港菜食肆」。其中一間，連服務員及廚房師傅都係講廣東話 ~~ 值得一去！





以上兩張相唔駛介紹……真係好食㗎。


呢 set 嘢唔係道具，係真嘢。


夏天成 40 度當然係食臘味煲仔飯啦！
服務員好細心，問要唔要飯焦（廣東話）？我話要，佢就落豉油，然後焗十分鐘先幫你打鬆。


「國食」~~ 響大陸食「國食」，煮得一般都比香港好。


黑椒牛柳絲炒意粉。


最後，一試「千島湖」，之後都係飲番青島了。

dryfry

的餸睇來唔錯喎, 貴唔貴?

egg_studio

以上幾間（除咗潘金蓮）都係中上餐廳，兩個人一餐大約人民幣二百有找。

dryfry

價錢ok喔, 大陸而家隨時貴過香港.
呢個武大 都唔細粒, 似乎係潘小姐高大

egg_studio

深圳就一般都貴過香港，但一出咗深圳就平好多㗎啦。