再探「福善堂廢村懸棺」

egg_studio

馬年大年初一，踩過幾十公里單車，依靠 GPS 及記憶，搵到約半年前意外到訪之「福善堂」廢村。

請先睇舊 post -- 「福善堂廢村懸棺」


上次因趕時間，所以響玄關及向南面嘅圍牆匆匆拍攝後就離去。今次重訪，時間十分充裕，所以除大門兩副棺木外，入內遊玩大宅。


大宅佔地約五千平方尺，大門口向南，南面圍牆左右兩側各有小房三間，合共六間，估計係柴房及貨倉。其餘三圍牆冇房，而四面圍牆都有槍眼，明顯係有錢 / 有勢力人士屋企。


內庭又分為前後部分，各有六間房間，共十二間房，應該係大宅家人睡房。中央係大廳，大廳前端有一小水池，據知情人士表示，小水池作用為收集從屋簷滴下之雨水，令雨水不會濺入大廳。


上次到訪時看到嘅牌匾「福善堂」不翼而飛，十分可惜。


稍後訪問鄰村村民，村民（男，約四章嘢）首先否認廢村內有懸棺，後來得知我已到訪，轉口話不可張揚，原因係國內不可土葬，若發現藏有棺木（不論係用作真土葬抑或「升棺發財」習俗），都會被沒收。不論此話可信與否，都先相信尊當地人意見，大家睇相，位置不公開。




廢村外面。






大門。






從路人身高可知棺材 size。






大宅內已被植物覆蓋。












大廳向玄關望，從典雅木製裝飾大概可想像當年大宅氣勢。






小水池。

神秘人

要搵司徒法正

wongdavid

之前去過大陸某山區啲苗旅部落，近半數人(生活環境較好的)都會把先人棺木放於家中，他們大多放於前庭近大門口的位置，不知道是否天氣或衛生問題，大都置於離地4-5呎的木台上。
他們好些中年族人也喜歡買定一副棺木置於大廳中當眼處，是預留給長輩用，以示孝心，對我哋廣東人嚟講日日對住副棺食飯都咪話唔"大吉利事"

DesmondWan@FB

福善堂廢村..我以為在香港....

epa999hk

其實大陸好多地方都會有類似懸棺, 老人家買定副棺木預備身後事

egg_studio

呢副唔係，因為 size 比正常果啲細。根據村民所講，呢對棺純粹用啲攞意頭 -- 「升官發財」

12pt

新界都有舊村有放懸棺，作用相同，只係荒廢好多。