[感人短篇小說] 我今年七十八歲, 想同大家講一個故事

Homan

妹釘真係一個好老婆，每日辛苦工作之後，都會不辭勞苦去做家務。雖則話飯就唔係煮得太好，不過仍有進步既空間。
最緊要係佢哄得我呀爸呀媽開心，直頭當左佢親生女咁錫，甚至錫佢多過錫我，而佢同我呀妹關係亦都唔錯，睇出我呀妹都幾鍾意佢。
我知道上一世冇好好咁陪過我既父母，得此教訓，我知道我係應該對今世父母做返ｄ野，因為就算我出世至今保留住上世記憶都好，佢地始終係生我育我既親生父母。所以我同妹釘幾忙都好，每個星期總會抽時間返去自己屋企探下各自既父母，同佢地傾下計，照顧下佢地。

而建立一個家庭，當然唔少得生兒育女。我同妹釘都妹想有自己既小朋友，加上雙方父母既催促之下，我地結婚兩年後生左第一個小朋友，係仔黎既。而我亦都終於知道當年猥瑣老豆點解要哄到個死人頭咁埋去望我個咕咕。因為當你做左爸爸，而你見到一個岩岩出世既寶貝，你真係會好想將佢完完全全收入眼內，望透佢身體既每一寸，包括佢個咕咕。

而我亦都知道當年我將猥瑣老豆標籤做猥瑣係一件錯事，因為當我每日返到屋企，第一時間就係想睇住個仔，無論佢fing手定fing腳我都覺得佢可愛 ；個仔去食妹釘奶時，我都真係想睇住佢食，因為佢食奶個樣真係好得意！不過唔知係唔係自己都經歷過嗰段BB時期，有時候一抱個仔就喊，妹釘抱就唔喊；又或者係佢食奶時要霸晒兩邊；又或者係當我同妹釘親熱既時候，個仔係咁喊，我都會覺得似曾相識……………….

不過係唔係都不得而知，我只係知道我好多謝妹釘幫我生左一個健康可愛既小朋友，而作為一個做過不孝子同資優兒童既我，係個仔出左世幾個月後就開始諗究竟大個左，我個仔會變成點？佢會變成一個毒男，重踏我上世既路；定係做一個聰明仔，但係冇咩享受過家庭生活；還是做一個咩都普普通通，唔突出唔顯眼既平凡人？

呢一刻我思緒混亂，下一刻突然澄明清澈
因為我記得一世媽媽同過我講，做人唔洗好叻，只要做個好人，唔好做壞事就已經足夠。
世間上所有父母，對自己子女將來既想法又何嘗不同？

黎到呢到，我既故事可以話已經完結
因為係我生活穩定左落黎之後既呢幾十年，其實所經歷既都係一ｄ普通既人事變化。
睇完我既故事你或者會諗，既然你有個機會重生，點解你唔趁機會做ｄ轟烈ｄ既事？令自己搵多ｄ錢，去溝多ｄ女，去過ｄ再好ｄ既生活？而我會答你，我可以重生，其實已經夠轟烈。

人一生可以有幾多機會去做呢ｄ講出黎都冇人信既事？我就有一個機會，而我認為自己冇浪費。記得當初遇到第一個芷瑤，我同佢話我希望自己做一個健康既人，要有機會同我上世既父母重逢，同有自己既成就。

呢幾十年黎我都冇遇上過ｄ咩大病，只係有時會染上一ｄ小感冒，又或者一ｄ小傷痛
，而我深信小病是福，冇左小病你又點會知道你自己原來一直都咁健康？就好似冇左唔開心事，你就唔可以對比出開心係有幾開心。所以一直我都同自己講，只要一日健在，我都要感恩，感謝上天俾一個健康既身體我，等我可以經歷我既不平凡人生。

而找尋父母方面，一世媽媽我已經搵到，雖然遇唔返一世老豆，只可以怪自己以前錯過左可以相處既時間，不過我冇後悔，因為人生總有遺憾，而我從中學到既，係叫自己唔好再錯過任何一樣事物，要令自己唔好再有遺憾。珍惜眼前人係我最深刻既教誨。

至於成就方面，可能有人會覺得我實踐唔到，不過我想講，成就既定義每個人都唔同，有人會覺得搵到錢、揸靚車、住貴樓就係美滿人生，而我對成就既定義就係我擁有一個幸福家庭。每日可以為自己家庭努力工作、返屋企攬住個愛我鍚我既老婆、睇住仔仔健康成長，做一個好人、好好照顧我年老既父母就係我既成就。因為滿足，所以我快樂；因為快樂，所以我滿足。

人生就好似半杯水道理一樣，好在乎你自己點睇你自己。如果你認為你賺唔到一百萬一年好冇用，或者你應該諗有份工做已經好幸運，又如果你怨恨點解你唔靚仔唔索，或者你應該諗下當初你係你媽媽個子宮度，係因為你力爭上游先可以贏到幾百億同伴，先可以成功出世。又又如果你不忿點解你老豆唔係李嘉誠，或者你應該面對現實，然後去感激你父母養到你咁大，因為呢個世界咩都可以揀，父母你冇得揀，佢地肯不辭勞苦，將可以俾到最好既野都俾你，其實你又已經好幸福。

上一世我唔識得去體會種種，今世俾個機會我睇清楚呢個世界，我先知道原來自己錯過左咁多，到依家七十八歲，我睇通睇透。我已經係我呢一生享受左我應該有既開心快樂，我既家庭、我既婚姻、我既事業。如果依家要我死，我唔會怕。因為死並唔可怕，最重要係我已經冇牽掛冇遺憾。

贈所有睇過我故事既人
「珍惜所有，享受每天」



完