登記成為會員，看更多精采內容！
您需要 登錄 才可以下載或查看，沒有賬號？登記成會員
×
官方海報
6 月 30 號去咗睇首影，當然係 3D 版，睇完有幾個忐忑......
從第一集去到第三集，每集之間冇連貫，可以視為商業考量，因為唔驚觀眾因為冇睇上一集而唔睇呢一集。不過我着眼於故事，所以 "集集新鮮" 反而減低咗我入場興趣 -- 因為依家就算唔入場，都可以租 / 買碟，或者安坐家中，按電視機遙控...... (某收費電視服務)，就可以 video on demand，而且平過入場好多，睇完又唔駛還碟。
故事方面，從第一集起已經同原著毫無關係，不過我又覺得奇怪？如果跟番少少 (少少就夠) 原著，至少賣完柯柏文，下一集可以賣吓洛迪文，今集就賣福特...... 點解賣咗幾年都仲係柯柏文同大黃蜂呢？
講番故事，初頭編劇不錯，用美國 "傳統" 嘅大謊言大做文章，故事性十分強。不過當去到中段，當 "一切嘅謎都解開" 後，後面成個鐘都係打打打，睇到後段覺得好悶，想快 d 完場，仲希望唔好再有下集。
後面成個鐘講響芝加哥打打打，不過整體世界觀有 d 奇怪，就係成個地球咁大，狂派淨係入侵芝加哥，而呢個入侵過程靠幾個鏡頭就交代了 -- 當架穿梭機被毀滅後，下個鏡頭芝加哥就已經變成廢墟，樓都費時"霖"俾你睇。
主角 Sam 及女主角飾演兩個地球白痴，成套戲，特別係男主角，淨係識大叫及四圍走。但編劇似乎想刻畫佢做英雄，不過睇完成套戲，回心一想，將男女主角剔走，劇情一樣係完整及連貫。
機械設計方面，今集多咗激光鳥，不過唔係錄音帶；音波好似有出場，但應該唔係錄音機 (其實我真係唔知音波有冇出場，只係響對白中聽到提過 Soundwave you xxxx 咁)。視覺上，狂派機械人全部灰色一舊舊，變形之後仍然一舊舊，好似麥加登、星星叫 (我估應該係打落穿梭機果架飛機，不過其實佢又好似音波...... ) 、音波、同量產型響度走來走去嘅狂派機械人，全部都係灰色一舊舊，睇完都分唔清邊個打邊個。唯一分得出嘅係一樣係灰色嘅震波，因為個頭都同舊版有七分似，雖然唔係一把槍。
題外話，聯想電腦係狂派，咁如果有下集，Mac 機應該係博派。
之後打打打咗一個鐘，突然麥加登俾人打死咗，之後果隻 XXX Prime 幾秒後突然被打死埋，之後突然完場，咁其他 d 敵人呢？開頭明明有好多隻灰色一舊舊走來走去嘅狂派機械人，大家都唔記得咗消滅佢地，咁地球嘅危機就解除咗？
至於另一搵笨，就係 3D ！相比近一兩年 d 3D 戲，例如 3D 食人䱽 (好片！)、愛麗斯夢遊仙境，呢類 3D 戲嘅鏡頭運用、取景角度、畫面顏色等，完全為 3D 效果度身訂造，所以睇起上嚟好 3D。反觀變形金鋼，拍攝時完全冇考慮 3D 嘅視覺元素。感覺上就似拍完後因為想滾多筆，所以用 software 將套戲 encode 成 3D 版，好似 Sony d 3D 電視咁可以將無線嘅天氣報告變成 3D 咁。
總結，睇完整套戲，除咗頭半截有故事性外，無論機械、編劇、攝影、玩具、男女主角 -- 無一可取。
如果真係變形金鋼 fans 一定要睇的話，都奉勸一句，忍多陣，等出碟啦。
Credit : 官方海報
| 
發表於 6-7-2011 00:43:18
發表於 7-7-2011 18:12:48