吸毒後感 ：Merida MTB

c_Foo

回覆 60# alexphoto

Alex 係時候誠讓你部車

okokokla

我之前架係硬,所以想軟，我住元朗所以大概30%會踩爛路。所以好想試吓軟,要快就買RB好了。係唔係咁講？

c_Foo

睇你自己要求係乜, 我經常屯門元朗往來, 用 RB 踩馬路, 選擇 RB / MTB 好個人, 不過一般街路 MTB 硬架便可, 另外要睇返你群埋邊班損友, 群埋一齊就衰埋一齊, 你用 RB 跟 MTB 炒爛個架都未跟到, 相反 MTB 跟 RB 放星尾燈都見唔到 (Willy 例外, 神人一名), 最終結果係集齊兩款, 一係用意志克服

egg_studio

咁又到我分享吓經驗，我有 road bike 及軟架 MT bike, 依家果架係 XC 車，以前果架係 all-mountain

因為我有 road bike 關係，我踩 MT bike 99% 入山及參加比賽，個人經驗係， MT bike 講求操控多於重量，所以我唔踩硬架。冇錯，硬架係輕幾磅及可以踩 city，但假如你係入山的話，都係要軟架好 d ，因為操控 -- 舉例，落山及落樓梯 (山入面果 d 樓梯) ，軟架操控容易好多。

雖然有 d 比賽係硬架優勝，但要視乎賽道。有 d 比賽路線用硬架真係會 "凳" 到飛出嚟，除非你諗住一見樓梯就推車。當然我都見有 d 好勁嘅乜嘢路都硬架，但事實上佢地要用好大力量去 hold 住架車，所以快係有代價的。

總括嚟講都要睇番你想點玩。同埋你所指 "元朗嘅爛路" 係邊度？

okokokla

爛路我係話山貝河至天水圍及流浮山一帶嘅小路，無話硬架唔OK嘅，不過還是想“變”。咁有無人可以介紹有乜選擇，一或買架二手車好過400d呢？

egg_studio

果條路，我地都踩過，我覺得硬架都夠。

不過你既然想買軟架，以你個 budget, Merida 冇走雞，其他牌子好難買到好過 Merida 嘅 config (油壓叉、氣 shock、油 brake，而車架唔算重 -- 唔好同 d 過萬嘅車比，就算同樣係鋁架)

或者比多少少諗吓 NRS (我同呢度果位神級車手都係踩 (及踩過) NRS，不過唔同型號)

你有冇去 X 山者睇二手？

okokokla

NRS好似有好多款，唔知點分，有d二手賣三仟幾到八仟都有。X山者係唔係粉嶺果間？好似好貴。

egg_studio

回覆 67# okokokla

NRS 係有好多款，但 NRS 其實係 Giant (牌子) 以前一種專利設計 (係以前，依家好多牌子都有用)，有乜好處就唔重覆，你 search 吓呢度 d 舊 post 啦。

而 Merida 400D 就係用十分類似 NRS 嘅設計。

同樣 NRS，basic model 同 top model 完全係兩回事，所以睇 budget 做人。

"X山者" 響大埔；粉嶺果間叫 "山 x 堂"。

"X山者" 有二手車賣，你有興趣可以即場試車。而佢地有 Cannondale 車賣，你可以睇埋 (不過唔合你 budget.... 不過毒品嘅嘢，睇睇吓就啱 budget)

okokokla

多謝師兄指點！買了二手Cannondale F3 了!!

c_Foo

回覆 69# okokokla

Cool ~~ 即係咪左仔？

hongdonald

Lefty正野
2手大約咩價位?

c_Foo

六、七千囉

okokokla

係啊！左仔! 想問問如果我攞架車去雲x tune吓個Brake會點收費？因為後Brake好似有d尖叫聲。謝謝！

c_Foo

回覆 73# okokokla

＂尖叫聲＂呢d叫惡，好多人想惡都惡唔出樣

Homan

回覆 73# okokokla

有無在無落BREAK時個皮會hi到個夾？
試下自己研究下先～
MTB呢家野點都要自己落手落腳～