吸毒後感 ：Merida MTB

egg_studio

你可以去新界 d 單車鋪格下價，一般明碼實價之餘仲可以有折頭 (折頭有幾多就睇自己造化...) 另外九龍有間叫 "x合" ，果度有好多 Merida

呢度有位 ching 都係網上買，等佢答你啦。

okokokla

多謝師兄指點！我住元朗，試過問雲鵬，不過無貨，諱昌又唔再賣呢個牌子嘅車，上網買自已又嗐識Check車！

egg_studio

咁你去大埔及粉嶺果幾間單車鋪。好耐之前都有現貨，但近排唔知。(不過你可以打電話去問有冇現貨，但一般電話會 quote 公價比你，唔會有折頭，所以有貨就親身落去睇 + 講價)

買咗車就跟吓我地 d 阿伯團去遊山玩水啦。

c_Foo

我地係阿伯......係我都唔認, 死都唔認

hongdonald

橙汁牌11年會轉番wp做代理,現時市面上買到既都係2010 dead stock貨,有你size既你好彩,冇既就比心機搵.9月會番2011年既貨~

egg_studio

轉番?? 其實一直都係 X 鵬做代理，只係上年響網上流傳過話去咗另一間做代理，我都差 d 比佢 "昆" 咗。

事緣係，響上次出團去元朗屯門時曾經問過  X 鵬，佢地話一直都係代理，只係要搬家所以有一輪唔入咁多貨。

(咁轉代理呢單嘢係唔係有某鋪頭借機抽水就唔知......會唔會當時突然間多咗人去該鋪頭買 Merida 就唔知 lu......)

okokokla

師兄們！多謝意見，咁我應唔應該等九月出新貨呢？一或同Uwant條友買呢?我都唔係八十後啦，所以你地都對我來說不算阿伯了！yukonFx你地又點睇呢？

Homan

回覆 27# okokokla

我又覺得單車唔一定追最新款（反正差唔多啫～）
睇o岩價錢外表功能就去馬啦～～
早買早享受呀～

okokokla

其實網上個價錢Ok，但係單車會唔會有老翻，或貨不對辨？賣方話佢有舖，但係又唔可以去佢舖買。你地覺得咁正唔正常？佢仲話要保養要多五佰。

hongdonald

轉番?? 其實一直都係 X 鵬做代理，只係上年響網上流傳過話去咗另一間做代理，我都差 d 比佢 "昆" 咗。

事 ...
egg_studio 發表於 14-7-2010 06:15 PM

之前既代理係"舊"合
不過okokokla ching有冇考慮下番大陸買崔克
香港買壯陽兄弟食水太深,而大陸大約係香港既7折,崔克3900我睇過實車都相當不錯,不過你要考慮清楚自己想踩咩車
呢度有ROAD BIKE友,硬架/軟架MTB友~遲d應該仲會有摺車友

hongdonald

回覆  okokokla

我又覺得單車唔一定追最新款（反正差唔多啫～）
睇o岩價錢外表功能就去馬啦～～
早買早享 ...
Homan 發表於 14-7-2010 08:20 PM

當然會有少少fine tune/轉色,轉拉花
另外,同資深車友傾過,一般香港人(佢係台灣人)買單車太"視覺"系,好似某c字頭加拿大牌子既rb,佢個geometry 根本唔合亞洲人踩,不過大部份人就係比佢個破風設計吸引左,買單車來拎收視..但最尾都係苦了自己..
買車個人認為先花少少$來bike fit,自試騎合適車架睇睇邊部最舒服,再試一次長途,睇睇身體有邊個位唔妥再慢慢fine tune,小弟係上一部單車都身受其害..

okokokla

小弟踩開朋友半買半送的舊硬架Mongoose MBT, 現在略有小小多餘錢，所以想買部軟架玩吓.大概6-7仟budget，所以就諗400d或Yukon fx，不過我係比較喜歡400d，無奈元朗無得買，其實買車想係買番自己區附近買，諗住要整時比較方便，邊位師兄有網上買車既經歷呢？謝謝！

Homan

回覆 32# okokokla

Alexphoto兄就係網上買架好似… 追下佢D post應該有得著…

egg_studio

之前既代理係"舊"合
不過okokokla ching有冇考慮下番大陸買崔克
香港買壯陽兄弟食水太深,而大陸大約係香 ...
hongdonald 發表於 15-7-2010 01:00 PM

哦，不過我唔係講緊呢單。

我講緊係，響上年某討論區 (大家心照係乜個討論區啦) 有班打手不停咁叫人去元朗 X X 果度買 Merida ，話會轉代理乜乜物物，而早前去過 X 鵬，咁問番職員，佢地話代理根本就冇轉過去 X X。(心照)

TO kokokla 兄 : 上次 Alex (呢度一位會員) 上網買，送到屋企，如果冇記錯間嘢響馬鞍山。你等佢浦頭解答啦。

egg_studio

Alex 請快出現放毒~~ 有人趕住吸毒

okokokla

期待Alex兄出現。話時話大陸有無400d賣？

okokokla

請問粉嶺標x靠唔靠得住？佢地有400d,不過唔知幾多錢

egg_studio

回覆 37# okokokla

老實單車鋪一間，如果熟客就有多 d 折頭，生客就正常價。因為響我屋企附近，所以我多數幫趁佢。

老細玩開 downhill ，所以對 MT bike 認識較多，唔會 "昆" 你買貴嘢 (至少唔係 X 牛果隻一入到去就當你新手/水魚/車神，sell d 最貴嘅嘢比你，一味話呢樣好、阿乜水阿乜車隊都用緊之類，完全唔諗阿乜水阿乜車隊成功係因為人地努力 -- 所以我有錢有車齡，我唔會幫趁佢 .... 講開就把鬼火，雖然離題，但都要小佢幾句 -- 我有次去睇 road bike 架，一入到去，店員知我想買車架，即係 sell 隻 Bxx 架，話 "呢隻啱我踩"，之後我睇吓另外 d 牌子，又話 Cxxxxx 啱我踩，一架 road bike 一架三鐵，隻隻都啱我?? 然後我問 Bxx 有冇 54cm (我踩開 54 cm) 佢 check 完 stock 後話冇貨，但話 52 都啱我踩，但 52 冇其他顏色，咁之後講吓講吓，話 48 cm 都啱我踩 (因為 48 有其他色)，總之成間鋪頭乜都啱我踩。

之後一排再去，問訂造鋼架 (因為我上架車係鋼架)，店員又講鋼架幾唔好，又話依家邊有人踩 (咁你又賣?)，結果又係昆我買 Bxx

標 X 隔離都有間 X X 堂，果間純賣 MT bike, 你可以去睇吓其他牌子。

大埔果間捷 X 都 ok, 但折頭唔多，不過有一次我去買 d "淋嬸" 嘢，老細唔收我錢，我覺得好奇怪 -- 我之前都冇乜大嘢響果度買過。

另外大埔 X 山者有二手，你可以踩吓試玩吓，可能執到好嘢。(之前佢都有 400D 賣)

okokokla

多謝egg_studio兄指點,去標x買,話你介紹黎會唔會平d ga? 希望呢個weekend出到車啦。

egg_studio

回覆 39# okokokla

唔得，因為佢唔知我叫乜名，淨係認得我。(你試吓話，嚟買過 2 次 "橙色邊 MT bike 倉底貨 ($100) 車呔" 果條友介紹，試吓個老細 (叔叔) 記唔記得...... 但唔保證 ok)

如果價錢唔靚唔好急，行埋轉角果間 山 x 堂先。