屬於九鐵的廢棄隧道／防空洞？？？
此洞位於現時東鐵綫路軌旁，並位於舊有大埔滘站約200米
官方地圖顯示N38有兩組隧道，而其中一組屬於T形狀
經過現場考察後，T形隧道已經被回填（信號接收器後）
只餘較短的一組隧道，並安裝了趟門
CEDD的圖書館翻查的資料亦顯示''KCR,Tai Po Kau''
請問各位同好有否更多資料:handshake
講開大埔滘站，就就分享下前排一啲有關該站既小發現
大埔滘站(大埔站)雖然最後係80年代關閉，根據去年一份解密文件顯示車站係電氣化計劃設計初期曾經卻有一線生機。 *初期電氣化計劃進度表亦包括大埔滘站
大埔滘站曾經考慮現代化既原因，就係方便市民往碼頭轉乘街渡（個陣碼頭仲未搬）及方便附近鄉里，但客流量一直都唔高。文件顯示客流量係大埔滘站最終死因，文件係1979年推算電氣化後的大埔滘站於1991年既客運量如下：
平日平均上下車人數：1300人/日平日早上繁忙時間：150人/小時（乘車）150人/小時（下車）*文件亦估計週末渡輪服務或只會偶爾產生最高1200人/小時的人次*估算時未有碼頭搬遷計劃
鐵路局認為上述客流量會對局方造成每年30萬的營運虧本，虧本或需要由其他乘客負擔，明顯地對其他乘客不公平。鐵路公司亦認為是否值得為一個平日只有數百人使用既車站付出$1141萬作重建費用。鐵路局認為關閉大埔滘站除了能夠節省營運成本外，亦能夠減少整體行車時間。鐵路局亦建議將渡輪碼頭則搬遷到馬料水，因電氣化火車啟用後從新界北面前往大學站的乘客旅程亦只不過增加約小於5分鐘。至於大埔滘站周邊對外的交通需求亦能透過小巴或巴士經大埔公路解決，比重建車站更有成本效益。而車站亦最終於1983/5/2關閉。 雖然大埔滘站既現代化計劃最後無實行到，但大埔滘站既現代化計劃其實已經有初步設計，大致設計重點如下： 車站主體：
l 車站大樓以簡單單層式設計l 上行綫舊有車站大樓將會被拆除l 新車站大樓將會於上行月台興建，將會包括大堂/售票房/車站控制室/職員休息室/倉庫及商舖等l 售票處設有2個售票窗口，每分鐘可應付6-10位乘客票務需求l 因應客流量預測結果，車站啟用初期不設自動售票機或閘機，但會預留位置於未來設置相關設施l 位於上行月台的舊有廁所將會保留l 設有付費區/非付費區隧道連接上下行月台，待吐露港公路完成後亦能透過通道前往碼頭。為節省成本，隧道將會以twins-cellbarrel方式興建*通往海邊的行人隧道最終設計需待吐露港公路完成後才能決定
上行月台（羅湖方向）：l 新建上行月台長300米，能夠讓12卡電氣化火車停靠l 設有與月台一半長度的雨棚l 站內設有斜道連接大堂及月台，因此不會興建升降機l 6棵位於上行綫月台的大樹將會被保留
下行月台（九龍方向）：l 新建下行月台長300米，能夠讓12卡電氣化火車停靠l 設有與月台一半長度的雨棚l 站內設有斜道連接跨綫隧道及月台，因此不會興建升降機l 原有帶有拱門結構的宿舍將會被保留，但功能將會由宿舍轉爲候車區l 6棵位於下行綫月台的大樹將會被保留曾被建議保留的職員宿舍部分（網上圖片）
車站興建物料：
車站牆壁：混凝土砌面板車站屋頂：瀝青樓梯：石米地台附有防滑邊斜道：混凝土附有防滑坑紋隧道牆壁：紙皮石/瓷磚月台：混凝土附有防滑坑紋
車站興建物料與東鐵其他車站大致相同 現況：舊大埔滘站已被拆除，但昔日下行綫月台上的海堤仍然被保留。現時乘坐東鐵下行方向仍可見到有關結構。 現時鐵路底下的行人隧道亦按照大埔滘站現代化計劃的設計興建，只是沒有興建收費區段隧道，相關隧道編號為NS60。 之前用手機上載，原來睇得唔清楚，所以重新上載一張清啲。
背景資料
講番少少背景資料先，呢個 po 響 2017 年出，當時大家冇乜結論，所以不了了之。前幾日，一位版友重提舊事，於是從前九鐵員工提供一張 1990 年圖則，不過，這是當年九鐵進行山坡鞏固工程時的圖則，並非關於 N38 的圖則。
由於山坡鞏固工程牽涉將 N38 回填，因此 N38 包括在圖則裏。完整版的圖則是記錄了山坡噴漿、打石屎柱數量及位置等資料，包括 N38 回填的深度（見圖）。由於完整版圖則不能公開，所以只截圖關於 N38 部分。
圖中可見，N38 深、13 米、闊 15.3 米，呈 T 字，與「官方地圖」一致，不過，冇顯示斜度（等陣會講點解有關係）。
隧道內有四個 76 x 76 cm，深 84cm 的「石屎盒（concrete box）」，此外就係入口（portal）原本有堵塞，但仲夠爬入去，之後點樣回填（有興趣自己睇圖）
而 N38 位置可睇番樓上。要補充係，N38 位置是以前的大埔滘站，N38 與車站隔住馬路，當時響車站或馬路會唔會見到洞口呢？我雖然由細搭火車搭到依家，但從來冇響大埔滘站上落，當時從火車上亦冇睇到洞口（不過，見過另外 3 個類似洞口，見下文）。
咁，講咁耐，究竟 N38 係乜呢？以下係我綜合不同職業界別人士、我嘅記憶等，排序不分先後，到最後係冇答案，希望大家試試從各項去聯繫出各種可能性。
[*]T 形隧道：有超過一位工程界朋友指出（大家唔識對方的），T 形隧道會出現於地質勘探，做業界所講嘅 Rock Profile。不過，現代工程界就鑽個窿入去就得，唔需要打條隧道。
[*]開礦：開礦時會打所謂「探路洞」/「試挖洞」，了解礦脈，而我亦去過好多礦場嘅「探路洞」，呢啲洞好多時都係呈 T 形、「出」形、「王」形等等。但工程界朋友話，「探路洞」不會如圖則所示咁整齊。
[*]存放：隧道用嚟存放危險品，四個窿是放某啲不穩定嘅化學品，用某啲液體浸住。危險品用火車運送，送去大埔滘站，入洞儲存。
[*]4 個「石屎盒（concrete box）」：之前我話石屎躉，後來工程界指正，話其實係空心，我睇清楚圖則，應該係空心，但冇講幾厚。
[*]去水：對於 4 個「石屎盒」，工程界一致肯定話用嚟去水。原理係等地下水流入「石屎盒」，然後自然滲到地底。不過，從圖則睇唔到「石屎盒」底部有冇石屎？
[*]類似「石屎盒去水」構造，響香港及內地防空洞屬常見（見下圖），而工程界亦話好常見，所以我先推斷「石屎盒去水」呢點。
[*]N38 位於大埔滘站，建於 1910 年（九廣鐵路通車時就有嘅站）。根據 1904 年地圖，原址係山坡，要鑿走座山，平整、鋪路軌及起車站。
[*]「鑿走座山，平整、鋪路軌」除呢個位外，仲有兩個位，正正就係另外 3 個洞的位置。
[*]估計（1）：N38 響 1900 年前當未興建九廣鐵路時，是礦場的「探路洞」，從當時海邊挖入去。至興建九廣鐵路時，半座山被挖走，剩番現在的 T 形隧道（見圖）及旁邊洞口。
[*]所以，當時有可能仲有其他洞，因為短，所以挖山時冇咗。
[*]估計（2）：N38 係興建九廣鐵路時挖走座山時的「地質勘探洞」，勘探完就連座山一齊被挖走。
[*]無論（1）及（2），都可以解釋點解附近仲有 3 個類似洞口。
[*]「石屎盒」：未必是 1900 年代就有。有可能係後期加建，令地下水唔會流出洞外嘅馬路。
[*]圖則冇顯示斜度，假如斜入洞，地下水需要「石屎盒」去水，相反，水會流出馬路。
防空洞有類似去水結構，等地下水自然流入泥土，所以冇打水泥。
「另外 3 個洞」
提咗幾次嘅「另外 3 個洞」，其中 2 個係我細個搭火車時見到，響「官方地圖」冇記載，亦未搵到相關圖則，因此係冇實證，信我的話就有，不信我則無。
位置分別是：
[*]現時大埔站往九龍方向月台對住嘅山坡，已經噴漿，所以乜都睇唔到。
[*]現時大埔站往大學站，接近大學站前幾百米，因為果區變化太大，經歷拉直、雙軌、起馬路等，我未能確認位置，總之響紅圈範圍。以前，一見到大學山上個「拱門」，之後留意窗外岩壁，行多幾秒至十秒後就會見到個洞。
[*]即是 N38 隔離，「官方地圖」同樣標示為 N38 的 portal，兩個 N38 portal 相隔約 10 米。根據圖則（不公開部分），現時是「Cable and Wireless Cable Chamber」。（如果應用估計（1）及（2）兩個 N38 以前可能係相同或不同的「探路洞」或「地質勘探洞」）
而 2 個洞都係回填咗一半，可以從上面爬入去。細個時當然冇爬入去，只係響火車上見到。希望有人都有相同記憶。
一般“N乜乜”既隧道好似都系前軍用隧道？
除了N28唔多似外 LamLeungWan@FB 發表於 2-2-2017 12:32 AM
一般“N乜乜”既隧道好似都系前軍用隧道？
除了N28唔多似外
N28 好似係以前港島線既掉頭隧道？ 日軍隧道? 唔知有冇師兄入過去呢。 野孩子 發表於 28-3-2017 11:34 PM
唔知有冇師兄入過去呢。
呢個位一接近就有 CCTV 了
egg_studio 發表於 29-3-2017 02:30 PM
呢個位一接近就有 CCTV 了
或者期待有一日火車故障，重演一次行落路軌行返去火車站就有機會囉;P
行內提供一張關於隧道的圖則，繪畫了隧道內部被填封情況。填封工程於1990年進行，是山坡鞏固工程一部分，同時，1990 年正是大埔滘站拆卸年份，據知本版會員亦從其他渠道獲得「新大埔滘站」的資料，有機會等佢分享一下。
根據圖則，隧道內有四條石屎躉，用途不明，而圖則只係圖則，所以冇任何關於隧道的歷史資料。
以下是圖則關於隧道部分，全圖不宜公開。 egg_studio 發表於 31-3-2020 02:28 AM
之前用手機上載，原來睇得唔清楚，所以重新上載一張清啲。
很精細的分析，都算係解開3年幾以來的心願～
egg_studio 發表於 31-3-2020 02:28 AM
之前用手機上載，原來睇得唔清楚，所以重新上載一張清啲。
詳細分析! 唔講唔知有個咁嘅洞
謝謝詳細資料搜集及分析 分析精細:){:4_93:} 呢個分析做得好好。多謝師兄分享 好特別…如果可以入到就正 上文有講，封死，你要鑽地入去 謝分享 好復雜睇唔明:'(:'( w091033 發表於 11-2-2021 10:44 PM
好復雜睇唔明
哈哈，你去現場望一望環境就容易明啲啦
頁:
[1]
2