40 年後的和合石支線，仲有冇遺蹟搵得到？

egg_studio

2013 年我響大笪地已經寫過和合石支線，當時用「官方地圖」對比鐵路走線及車站位置，總結出，除咗「橙色鐵閘」外，乜都冇得剩。

幾年後，偶然獲贈一張和合石站旁邊、嘅三等火車櫈，加上做沙頭角支線時認識一班村民，間接得到一啲和合石支線及和合石嘅軼事，於是，事隔 9 年，又寫多次和合石支線，今次做埋影片，及做深入啲。



今天，和合石站是銘賢路及和興路迴旋處一帶。



路軌盡頭是今日嘅和合石墳場辦事處。



從和合石站出發，走線經過今日嘅和興體育館。



穿過和興體育館，在百和路過對面嘅華心邨。




通過華心邨後，又過馬路（一鳴路），到對面牽晴間。



經牽晴間第一座及第十二座，準備匯入主線，即是今日嘅東鐵線。



匯入東鐵線位置，今日仍有「紅色鐵閘」。




鐵閘響我 2013 年出文時係橙色，幾年前油咗紅色。

橙色鐵閘以前係路軌。當九鐵轉電氣化時，和合石線且會停運及清拆。停運後幾年，路軌未拆走，當時和合石站用作清拆柴油年代車卡，所以我先有張三等木櫈響我屋企，亦曾作訓練車長之用。電氣化後，東鐵線全線以圍欄封閉（所以冇得好似以前咁橫過路軌），和合石線由於冇電氣化，所以響分岔位做咗橙色鐵閘，方便拉啲車卡入去和合石站劏。

大約 80 年代尾，路軌都拆埋，走線起曬大廈，但橙色鐵閘保留至今。



最後，都係總括一句：和合石支線乜都冇得剩，但點滴都仲有，大家不妨睇片及我網站的長篇大論啦。

ShaunTheSheep

分析相當精彩詳盡　片尾電影片段難得一見火車運行支線第一身視角！

bbkksha

謝謝分享，有趣，唔睇都唔知有呢段故

CKY

謝謝師兄分享