新界將重建的廢廟（附送「羅馬式」拱橋）

egg_studio

呢度唔開名，因為村內有人歡迎重建、有人反對、亦總會有 FB 乜乜「關注組」嚟抽水。

廢廟是三級歷史建築，我幾年前第一次去（其實佢響我平時踩單車路線附近），當時尚算完整，今日重遊，原來塌曬。根據立法局文件，廢廟已經納入「歷史建築維修資助計劃」，批准了撥款，擇日重建 / 保育。

當地其中一位村民見我嚟重遊，傾開計，話好開心，因為重建會收佢間屋（寮屋），早前登記咗上樓，而佢間屋塊地將會成為重建後廢廟的公用設施用地。

呢排凡係紅磚拱形都有價有市，不過，新界大把，呢頭至少有兩條「羅馬式」橋，歷史可追朔至一百年前。

CKY

感謝分享

leonkin

紅磚係咪塊塊都有3隻英文字? 相傳話有分岔嚟呢度，可能又要查舊地圖.

egg_studio

冇字，有字就畀人偷曬啦。走線冇嚟呢個位，實情係當年起鐵路時要就地取材，做紅磚鋪路起橋，因此，除咗上圖果條「羅馬式」拱橋外，粉嶺及大埔都有呢種拱橋，而且都同火車有關，有機會另文介紹

野孩子

謝謝分享

leonkin

egg_studio 發表於 5-1-2021 06:42 PM
冇字，有字就畀人偷曬啦。走線冇嚟呢個位，實情係當年起鐵路時要就地取材，做紅磚鋪路起橋，因此，除咗上圖 ...

果時就係話有條臨時分支嚟出貨喎...正正因為工程需要，比主線更早