松仔園火車軌

egg_studio

近期做緊關於散落在香港不同地點的九廣鐵路舊路軌，其中包括早年的馬鞍山深山（講咗好多次，不是馬礦，亦與礦場隔十萬九千里）、九龍坑、大圍、錦山等等。報告未出，所以睇住巡邏影片先，主要是量度路軌尺寸，以推斷來龍。


相對多人知嘅舊路軌是大埔松仔園；雖然話就話「多人知」，但其實只是「相對」，因為我在路軌位置做咗個小實驗：問路過嘅行山人，包括七個本地人、一個外國人（但佢響附近住，成日響呢頭行山），所有人都唔知有舊路軌響山入面，更加唔知大家正企響路軌旁邊。


頂闊 7cm，由於路軌嚴重生銹、發漲及脫落，底闊及高度介乎 12-14cm 及 13-14cm，未能確認原來尺寸。粗略比較下，估計與九龍坑及大圍的舊路軌是同一規格，並非馬鞍山及錦山的規格。（另看：《深山大鐵板 -- 發現沙頭角支線鐵路路軌 -- 發掘及報告》）

詳情請留意本網及我的網站的稍後報告。




實驗位置 ~~~



附近有荒廢梯田，估計是過去本地人用嚟過河嘅橋，但確實歷史仍有待研究。




用路枕鋪成山徑嘅橋，不過，這是石屎路枕，與路軌年代有衝突？又要待進一步考究。

野孩子

依條路軌有趣，真係冇留意到。

egg_studio

其實呢條路軌係我介紹嘅當中最多人知果條，以前有幾個電視節目都有講過

leonkin

egg_studio 發表於 10-7-2020 06:23 PM
其實呢條路軌係我介紹嘅當中最多人知果條，以前有幾個電視節目都有講過

我行過都有留意,一直以為係用來運物資

都好多行山人行過，不過佢地無留意

cy088

Thanks for sharing . 長見識。