【歐聯】兩場例行公事 皇馬PSG齊齊贏

rightorwhat

                                    皇馬（右）及PSG（左）周三齊齊贏波。

周三歐聯A組最後一輪賽事，由於賽前巴黎聖日耳門（PSG）及皇家馬德里，已分別肯定以首、次名晉級，故最後一輪對兩隊來說都是例行公事，結果PSG主場5:0大勝加拉塔沙雷，皇馬則作客3:1擊敗布魯日。

其中PSG仍強陣出擊，尼馬、基利安麥巴比、伊卡迪正選上陣，上半場32分鐘麥巴比利用速度突破越位，單刀橫傳給伊卡迪射入空門；3分鐘後，沙拉比亞禁區右腳射遠柱破網，助PSG半場領先2:0。下半場開賽僅一分鐘，尼馬接應麥巴比後腳勁射破網，令PSG領先三球；63分鐘，輪到尼馬直接傳網麥巴比破網，加上84分鐘後備上陣的卡雲尼射入12碼，助PSG大勝5:0完場。

同日皇家馬德里作客布魯日，上半場兩軍互交白卷，下半場53分鐘洛迪高高斯接應奧迪奧蘇拿傳中，第一時間撞射得手助皇馬領先，惜兩分鐘後主隊布魯日憑雲拿根禁區內射門得手追平1:1。64分鐘，皇馬另一名巴西翼鋒雲尼斯奧斯祖利亞，門前混戰快射得手，加上補時階段莫迪歷埋齋，助皇馬3:1擊敗對手。