炎夏中秋村路穿越

egg_studio

中秋假期 + 炎炎夏日 + 烈日當空，又係踩單車好日子。今次踩平日踩開嘅村路，不過去啲之前冇介紹嘅地方。



之前有會員介紹過呢間村屋，亮點係「八卦形」窗，近日村屋唔知係重修定拆卸？



之後沿「星星」村路往皇后山。「星星」村路響「八卦形」窗村屋附近，成條路都有星星，唔知點解？唔通同風水有關？



皇后山軍營已經變緊做公屋。



幸好，發展未波及附近呢個大荷花池。



爬上流水響道，落山穿過幾條村，沿途係荒田。



停一停呢區著名的新蘭芳茶樓，呢間鄉村茶樓只開一至五，11am-2pm，一個星期只做 15 個鐘，返 office hour 嘅無緣。


食完飯，轉入一條已經冇人住嘅村，亦因為某啲原因，果處應該響可見將來不會發展（亦唔會有人住），所以村路及周邊都變成「綠州」-- 響香港，好少會有「全綠」嘅地方。



左邊綠色。



右邊又係綠色~~~


之後穿到去另一著名景點及拍戲場景「三鄉亭」，隔離有「噹噹石」，關於「噹噹石」傳聞，有興趣請爬舊文。



附近另一著名景點「坪洋芒草」，照片可見，未到季節。



不過，其實芒草區有兩個，坪洋因為有小巴搭到門口，所以多人知；另一處冇交通工具去，只能以腳及單車。



不過，條路已經密曬。重陽就到，稍後山路應該「重開」。講起芒草，幾年前踩單車經過附近時，有一男一女問「睇芒草點去？」我就帶咗佢地去呢度。當時未係季節，草同依家一樣綠，但兩人影完相就 P 圖，變成黃色一片，然後上 FB。（請爬舊文）


之後沿大沙路踩……



去咗一個葬區。



之後經過空置嘅貨倉（應該），往山雞乙進發。



山雞乙分「上山雞乙」及「下山雞乙」，兩地冇馬路連接，只有一條頗隱蔽村路。去到上山雞乙，經過重修中嘅村屋。



下山雞乙已經變成貨倉區，不過都搵到頗雅致嘅村屋。



最後，經過「山雞湖」，出番大路走人，全程約 48 公里。