登記成為會員，看更多精采內容！
您需要 登錄 才可以下載或查看，沒有賬號？登記成會員
×
大笪地會員有份參與嘅馬礦歷史研究，其中有小部分提及馬鞍山村，而反觀我地，除礦洞內部，亦有研究過露天礦場。
馬鞍山村並非現在有基督教及天主教嘅「馬鞍山村」，而係礦場營運時，礦工居住嘅「馬鞍山村」。早前搵到兩位馬鞍山村村民帶路入去舊村，講番村歷史及同礦場關係。
相中可見，村民帶同幾頭「猛犬」一同前往馬鞍山村。點解要出「猛犬」？村民謂舊村果一帶現時危險，因為某啲原因，不應獨自前往。
早響上年搵鐵橋時（另見《馬鞍山露天礦場考察 + 尋找鐵橋》），知道當年鐵橋繼續走，會通去馬鞍山村，而鐵橋果段路係礦工返工放工其中一條路，響「官方地圖」可清楚見到小徑。
現時馬鞍山村已清拆，但因為政策及某啲原因，未能發展，所以係一片草原及樹林。翻看「官方地圖」，有一年（注：並非 2018），有人把該一帶平整，起初以為鋸好多樹，但根據村民憶述，果一帶原本用嚟堆放露天採礦時唔要的泥土，而鐵橋嘅鐵路正係負責從礦場將泥土運到呢度。可惜，路軌遺蹟已冇跡可尋。
村民亦講咗大量馬鞍山村歷史、傳聞及軼事，暫時不在此描述，稍後以正式報告分享。
藍色座標是村長屋、「柏林屋」等位置。綠色是當年小徑，綠色右端是鐵橋。
進入馬鞍山村路徑隱隱約約，加上塌樹未清，都一般難搵。
前面平原就係馬鞍山村位置。
據村民指出，這位置是村長屋企；從衛星圖上，是左邊第一間屋。
馬鞍山村現存唯一建築，二十幾年前曾借出拍攝 RTHK《小柏林週記》、無線的《包青天》等劇集。
車庫，以前是牛棚。
西馬肚石澗，下游是大水坑。
石澗上有兩條金屬實心管，發展商曾經是打算在石澗上鋪上這種金屬管，然後起橋過河，但因為某啲原因，未能成事，因此，至今車路未入到馬鞍山村。
過去村民會捕野豬……食。
鐵橋把泥頭運至這一帶。
至於 title 上嘅「馬礦新資料」，除咗鐵橋與馬鞍山村嘅關係，亦包括上文提及嘅幾個「某啲原因」，同埋村民確認 240/280 洞口位置、年前出現「老虎」的真正情況（當然唔係左炒右炒嘅傳媒所謂豹貓、山貓等），稍後請留意正式報告。
遊客，本帖隱藏的內容需要積分高於 500 才可瀏覽，您當前積分為 0
| 
發表於 9-11-2018 12:34:22
發表於 15-11-2018 13:15:49
之前去仲係一間,家陣得返半間...
(利申未睇到下文)
