桂山島見聞

EricDelta

見有板友分享咗外伶仃島的見聞，就等小弟分享下另一座，同屬萬山群島既桂山島啦

_________________________________________________________________________

概況

桂山島位於外伶仃島以東約10公里遠，但就距離香港大嶼山的分流非常地近，基本上兩地一定可以互望。
如果大家搭飛機返香港，經由南面航道降落香港機場，一定會見到呢堆萬山群島，其中一座就係桂山島。


桂山島（左下）與香港大嶼山（左上）和香港索罟群島（中間果堆島仔）的關係，右邊果兩座島為小蜘洲及大蜘洲。


桂山島由北面的牛頭洲和南面的中心洲組成，面積比外伶仃島大2倍以上，約有四份三個南丫島的大小。



不過，相對於外伶仃島，桂山島就比較冷清，遊客唔多，社區建築偏向大陸化
但當地政府有意加大旅遊行業，所以近年碼頭就改建成為「萬山港口岸」，早幾年曾經開過去香港的航線，每星期一班
不過目前已停航，所以都只好乖乖地咁係珠海搭船過黎吧。



桂山島巿面設有馬路，可以比車行。話雖如此，但一般私家車輛都只係「政府特有」，一般市民出行如果係「有車階級」，都係揸呢啲電瓶車 size 既車，不過佢係行汽油既。



或者你可以選擇搭呢度啲「巴士」，有兩條固定路線，當然你可以當「的士」咁同佢講去邊度就得，每位收費 $3。

_________________________________________________________________________

有咩睇


北面的牛頭洲已完全被佔用作為港珠澳大橋海底隧道沉管工場，仲有人做緊野


工場出面仲放左一堆等待交收的橋躉(?)，但估計與港珠澳大橋無關，相信工場已另有工作


附近有一座已停用的工廠


仍然見到運輸帶。

一架已翻側，被遺棄的小巴


島的南面有一堆油庫，但估計已經停用，因為見到油庫上面的保護層已完全甩色

甚至，連供油輪停泊及輸送燃油的設施亦已經倒塌

_________________________________________________________________________


係桂山島，你可以同時望到香港最西和最南的地方
左邊為香港最西的地方：大嶼山雞翼角
右邊為索罟群島，隱約可以見到香港最南的地方：頭顱洲


附送桂山島市區的景色


桂山島夜景

egg_studio

珠海對出嘅幾個島真係各有獨特風情！

ShingWong@G

望落真係好鄉鎮

egg_studio

啱啱去完桂山島，用大笪地會員證就可以官方參觀沉管工地，現在工地製造緊深中通道嘅沉管，而樓主相中嘅橋躉大部分已運走。

egg_studio

工地

EricDelta

egg_studio 發表於 23-11-2018 07:54 PM
啱啱去完桂山島，用大笪地會員證就可以官方參觀沉管工地，現在工地製造緊深中通道嘅沉管，而樓主相中嘅橋躉 ...

有無去埋油庫

egg_studio

EricDelta 發表於 26-11-2018 07:27 PM
有無去埋油庫

唔夠時間