毅行訓練:夜行3/4

hongdonald

是晚31/10,我(Gel頭哥), April, Patrick, Alman Team 0453(Dash 24)四人由北潭坳出發,到獅子亭完成,用麥徑最難的兩段作夜行練習,路線很熟識,
因是晚練習前的幾天跟隊友Patrick在日間行過,但想像唔到日頭和夜行是完全兩回事...

"天氣不似預期',人生跟行山一樣,不會平平坦坦,當天某A字頭男仕突然表示公司有野做/在第四段加入，我心目中不禁爆了兩句粗,但他作為此比賽的資深人仕，應該合埋眼都行得完102公里,不用擔心。

約10點半,Gel頭哥/April/Patrick,準時10點半在北潭坳第三段起點自拍,我精神有點不足,因30/10深夜找了某A字頭男仕到靈實醫院附近跑山加遊樂，不過我想毅行其中一個課題是抵抗眼訓，藉此訓練一下。

三人先登上四百米高的牛耳石山,有點斜,地面都不平整,但因剛起始,三人都在輕快的步伐完成,雖然大汗碟細汗但心情仍是愉快。
進入障上前的一段下坡路,April首先發揮下坡女王的本色,以極輕快的腳步好似火箭咁落山,Patrick都以輕快的步伐跟貼,留下本人以不輕不快地龜速前進,前邊兩夥頭燈逐漸遠去。
是晚為萬聖節,天氣有點清涼約18度左右，下坡路碎石什多,明明記得日行時可以半跑半跳咁落山,到今晚夜行,有頭燈幫助下,但落斜時仍署於坳柴和不坳柴之間，除了虫聲,嬋聲,心理壓力變得很大，真有點想叫媽媽的感覺。
上霤打山和雞公山的一段,多謝April同Patrick就就我,由我帶頭，以我的pacing為準，龜速上山，上雞公山的路況很差,每一步上山都比平時上一般行山徑的石屎梯級費力,加上體力不足,完全是以zombie mode 沒有靈魂的有梯級就誇上。

一路以180up的心率上山,一路上山一路諗,夜晚12點,唔係應該訓係床咩?咁辛苦為咩?經過兩三次小休後,終於到達雞公山頂,大休五分鐘,食包gel,在雞公山頂和Patrick解決點小事,想想衝線時開心的一刻調整牛皮偏軟的心情。還好到水浪窩前的都是斜路,在地心吸力下可回回氣。
兩位電兔的頭燈再次遠去,在汽水的驅史下,我保持龜速落山,在他們到達後約兩分鐘我都到汽水機位了。

在水浪窩跟兩位自拍後，順手打打電話比某A字頭男仕睇睇佢咩情況，就進入麥徑第四段，起首是一段比較悶和長的石屎車路,因為山系肥人的精神,我保持不jog急走，跟隊友解釋生命推動(意指一個人在極累接近休克的情況下,由隊友扶持來跑,你閉上眼睛就可以，生命推動通常用在大棠終點前的兩公里)
的真義，希望他們兩位在比賽後段可以生命推動我。在沉悶路段(約左竹洋路對出)，地面突然有一絲反光，認真一睇,原來是一直巨型箭豬，箭豬約尺幾長,跟我們say個hello後再鼠返入樹林，整晚我們人影都唔見隻,有隻箭豬點綴都不錯。一路快步急行,上山前弱弱的我都係話等等比30秒我,啪包Gel打大佬 ---天梯及馬鞍山。



行山對我來說,不是跟別人比,而是自己對自己的挑戰，一路上大家互相扶持,輪流帶頭下總算到達M078,一路上山一路諗,我以前明明是個體型健美,打籃球時有萬千少女為我歡呼的好手,經過幾年的自暴自棄,去年體重激增至220磅,即使是現在,都比其他人咩多30磅上山的山系肥男，Gel頭哥,你攪咩呢?此刻心情又有點回落,
在日間,此山路雖然唔易行,但總有郊遊人仕同你講早晨打招呼,現在只聽到我和兩位隊友的呼吸聲，心裡竟有一絲念頭想跟兩位講想落返汽水機位找的士回家，如果唔係隊友Patrick一路講就到啦,望到個頂啦,仲有三百米啦,又少一步啦,我已一早GG放棄。

在起步時涼涼地,到達大金鐘附近,可能因為Windchill Effect,氣溫一下子估計趺到11-12度,心情更加低落,突然朝天一望,滿天星星,能見度極高,完全沒有霧，我不是什麼天文學家不能為大家解釋什麼星群星座，不過相信每個睇到呢個美景既人都會 O一O咀細心欣賞，回想起2009年,又是一個備戰毅行的晚上,
我直情成個人訓左係山頂睇星,直至隊友大叫"L樣,捨得起身未",再朝我羅友補上一腳,我先依依不捨離開,想想現在已是一個年近30的中佬,應該要有返D自制能力,頂著寒風大步大步落山,此刻心情是興奮的,因為最難既路段已經行過了。

奇怪的是,我日間能如數家珍的跟人介紹第四段的景點,但不知道是否晚上比較行屍走肉關係,連昂平高原行過左都唔知,記得上一次日行,我和Patrick在這裡到基維耳營,與幾位跑山人仕展開追逐戰,由Patrick對上一位滿臉防曬高的白面阿叔,我則被一位體格比較大的巴打緊貼菊花,心想你不是有這種愛好吧?我很愛我女朋友的,直至一小餐木台前，
那位巴打終於講左句"I am dying"就訓左係木台前,我突感壓力全消,菊花一鬆翔陽而去，因為這一段萬里長城(因路段和景色太過沉悶,距離又長我和朋友戲稱之)。

到達茅坪後,大休五分鐘, 繼續萬里長城路,April和Patrick向我介紹飲食的重要性，原來食都咁有學問,又什麼生銅飲食什麼素食,作為一個好食懶做的肥仔,在毅行前食清D吧..這段萬里長城雖悶,但每步的落腳點不太明顯,如不打醒十二分精神,是很易在光線不足的情況下坳柴,至於點解我打出來?因為我坳過獲金囉。
終於到進食位,大約是出營地的一段小馬路,位置約左M094,我因要辦小事走向另一邊,Patrick和April就食包飲水，在此署,確實是人生交差點,因狗吠徑和正路在此,毅行精神下(實情是怕狗,唔知點解呢段小徑24小時都有狗吠),梗係行正路。



M094-M097這一小段路沉悶至極,我們只好找一點小Shortcut為樂,行下行下開始睇到城市化既景色,Patrick又開始鼓勵我地就到了,此時約零晨4點,我最想做的就係回家沖涼訓覺,終於在M097 車震亭(男仕你明的)附近,睇到一輛熟識綠色錢7,開門的不是車震對像,是某A字頭男仕,他因放我們飛機,心感歉意,零晨四點幾車我地回家，是次訓練都因有錢7接送而完結冇去到M100獅子亭,時間是5小時53分(日行是5:27,到M100獅子亭)。

Homan

加油呀！

egg_studio

果架錢七響外國仲係深受追捧嘅車