舊香港系列（二）《香港適用世界地圖》

egg_studio

版主執屋時除咗搵到《香港股票手冊》，仲有一本《香港適用世界地圖》。

根據地圖序文，地圖係俾當年學生學習本港地理之用，同今時今日地理科 Map Reading 差不多。不過，地圖到我手已幾日，未出呢個 post 時已經同幾位朋友研究，究竟地圖響邊年出版？

2022 update : 地圖下載已移至 egg studio 網站下載區。


地圖係冇出版日期，所以我地只能從地名去推斷年代，先舉幾個例子，若大家有其他發現及其他見解請提出。

• 地圖原持有人係某間公司負責人，該公司出售水泥予啟德機場興建跑道（民航署資料：第二跑道，即1958年落成的新跑道），而地圖上亦標示「建築中」。
• 新界區已見林錦公路、粉錦公路及大欖水塘落成（水務署資料：1957 年落成）
  

兩項資料把地圖出版年份縮窄於 1957 至 1958 年。

不過，啟德機場仍標示有「海上機場」，據資料顯示，50 年代應沒有海上機場。若大家有進一步資料，或發現地圖上出現與 50 年代不符的事物，歡迎指出及加入討論。



地圖序文


啟德機場「海上機場」

EricDelta

地圖內發現於1956年啟用的馬料水站，但同時又見到隔離有 College 學院一字 ... 中大不是六十年代才有的嗎?

EricDelta

地圖第19頁，看到已獨立了的新加坡。

egg_studio

EricDelta 發表於 3-10-2017 12:50 AM
地圖內發現於1956年啟用的馬料水站，但同時又見到隔離有 College 學院一字 ... 中大不是六十年代才有的嗎? ...

中大響成立前係三間書院，可能咁地圖上標示  college  而不是 university 。如果地圖扁係中大成立後出版，應該好似第 6 頁咁標示「香港大學」。

新加坡響 1965 年立國，立國前係英國殖民地，所以地圖上有 border 唔出奇。

如果再細心啲去研究呢張地圖，會發現幾處矛盾地方，例如某地方於 50 年代已消失。（假設地圖係50年代出版）因此，我同版主提出過，就係當時出版社只係將「新地方或建築」加入地圖，而冇將「已消失」地方或建築 update。始終係戰後英國嘢，又不是響本地出版，編輯得到的資料不準確，而地圖對象係學生，所以有不準確唔出奇。

EricDelta

egg_studio 發表於 3-10-2017 09:26 AM
中大響成立前係三間書院，可能咁地圖上標示  college  而不是 university 。如果地圖扁係中大成立後出版， ...

呢個情況，直到而家新出的地圖，都仲會有出現沒有刪除「已消失」地方的情形。

egg_studio

所以撇除「消失的沒有消失」，我認為地圖出版年份為 1957 至 1958 年。

egg_studio

呢張係 1957 年地圖，可見當時新跑道係興建中，地圖亦可見兩條舊跑道。

新跑道於 1958 年 9 月 1 日投入使用。