「消失的路」神秘建築之謎 -- 解答篇

egg_studio

自 2015 年發現「消失的路」後，雖然來來回回經過好多次，但「消失的路」盡頭果幢神秘建築物始終唔知係乜。之前有會員話係英軍 bunker，建築物「離地」原因係橫向既槍眼口，不過我照經驗，幾肯定唔係（因為有懷疑用嚟顯示水位嘅裝置），但由於上去頂部條梯被植物（荊棘、籐及樹）嚴重侵佔，無論點都爬唔到上去，所以每次經過，只能從下觀看……

今日終於下定決心，帶齊架生，兩個人用咗半小時剪草、鋸樹，開咗條爬上頂嘅路，終於確認係英軍年代嘅儲水缸，用嚟供應山下嘅軍營。因此，當年有軍路通上去，而亦有破爛嘅水管通往山下軍營。


建築物外面有水管，所以我一直都不認為係英軍 bunker。


最奇怪係，點解要離地呢？（足夠一個人「捐」入去）


缸底有 II 住過嘅痕跡。


水缸底水管，通往山下軍營。


水缸入面分做兩隔，呢條係另一條水管。


經過半小時嘅努力，上缸頂嘅路打通了。原本照片所見鐵梯完全被樹及藤佔領，冇可能爬上去，現在已經「一片光明」。


植物響夏天嚟之前未生番滿，大家有興趣應該趁早。（其中一件架生）


水缸頂。


水缸分兩隔，每隔有兩個蓋，兩層樓深，冇梯，跌落去冇辦法上番嚟。


照片右下角見出水位，駁出去剛才果條水管。


水缸邊水位尺，水缸大約兩層樓高，水位尺從頂部去到缸底。


水位尺原理：鋼纜經滑輪，透過白色小洞伸入水缸內，鋼纜另一邊駁住重物。


鋼纜另一邊嘅重物（圓形生銹物件），用佢顯示缸內水位。


水位尺有兩組，分別顯示兩隔水嘅水位。

更多圖文紀錄，請看 egg studio 網站相關內容。

kaiboy123

犀利! 圖文並茂，又長知識了!

egg_studio

依家至夏天雨季，趁荊棘未生番，有興趣快啲去。

excitement88

二戰軍用水缸?

egg_studio

不定是二戰，是山下軍營以前用的水缸。

野孩子

只係儲水缸多啲

hnixonk

原來不是槍眼之類.長見識了...  
但諗唔到點解是離地 ? 不受地表土層變化影o向?

egg_studio

正常做水缸會做防水地基，所以同地表應該冇乜關係，所以「離地」原因仍是一個謎。

Homan

egg_studio 發表於 8-3-2017 09:06 PM
正常做水缸會做防水地基，所以同地表應該冇乜關係，所以「離地」原因仍是一個謎。 ...

會唔會係因為地形問題，難以平整，升高來整一了百了？

egg_studio

Homan 發表於 17-3-2017 12:38 AM
會唔會係因為地形問題，難以平整，升高來整一了百了？

應該冇可能同地形有關，香港幾奇怪地形都可以起高樓大廈啦~~~ 何況現場只係好普通嘅山頂。