踩單車買私酒 -- 中秋惠州單車遊

egg_studio

唔經唔覺，今年係第三年響雙月灣過中秋，而且今次順道一遊已經 5 年冇去過嘅惠州。

呢度大家有冇印象？就係惠東珍珠養殖場。2011 年前首次今年經過，當時珍珠養殖場已經荒廢，而今年終於清拆。今日。途經時，正進行爆破工程，要暫時封路。

去到澳頭，變化更大 -- 一年前未起呢條路。以前去惠州仲有一座小山阻擋，要踩少少山路，依家小山被剷去，變成康莊大道。

去到惠州，來一餐湖南菜。除了蒸水蛋外，全部都辣，包括清炒菜芯。

另一天，早餐後，午餐未夠鐘，就食隻燒鵝先。

從惠州去雙月灣，經過新開發嘅鹽洲。本來鹽洲係小島一個，現已有大橋連接，所以上年坐過、近市區的街渡已執粒，要踩遠啲先有另一隻街渡，不過睇嚟應該做唔得幾耐。

到雙月灣前，先到漁排食海鮮。

之後沿 XC 路往雙月灣。

同本地人傾幾句後，先知呢條 XC 路係軍用巡邏路，若果台灣唔打過嚟，應該唔會鋪石屎，所以 -- 原來台海局勢都影響到踩單車。

雙月灣海鮮街！

雙月灣「例牌影相位」。

之後到平海古城參觀。

古城裏的城隍廟。

城隍廟外「大香柱」製作中。

當然不少得「淘古井」活動。

淘古井後，掏一掏麥芽糖。遲啲有 video，大家要留意。

城門上興建的廟宇。

西門。

古城歷史。

離開古城，去到某處（不能公開）……我地去嘅唔係「海濱飯店」；「海濱飯店」只係提示，所以唔駛打電話去問。

終於去到正題。今次係去買私酒。據知情人士透露，當年大陸經濟起飛時，不少暴發戶鍾意飲洋酒（依家就冇啦，有錢就飲國產白酒了），響呢啲沿海漁村，當年響台灣走私大量洋酒，價錢「合理」。會唔會係假酒？當然有人試過，確認係正貨，所以我地先專程去私倉參觀及選購。

洋酒之餘，呢個私倉都收埋經典國產拔蘭地，包括相中呢響市面上早已消失、陳年 5 星張裕舊裝。