大棠紅葉未紅時

egg_studio

每年11月，踩開大棠、環塘等車手都會特別小心，因為大棠林道兩旁都會紅葉處處，吸引好比 MK 咁多人。

所以，熟地頭嘅車手，都會盡量避免響紅葉盛放時駛經該處，縱使果條係合法越野單車徑。

呢幾日練車時經過兩三次，見紅葉未紅，反而見到漁護處員工響度裝臨時圍欄。據相關人士表示，近年越嚟越多人慕名而至，有龍友為拍得紅葉+美人，行近山坡，越行越後，最後跌落山崖。

另外，今日從吉慶橋踩上荃錦坳，經過「新元朗仔」（正名為天門越野單車徑）出口時，見漁護處人員捉緊人。所以，趁此再次提醒大家，「天門/新元朗仔」路線尚未完工及開放，切勿踩非法路線，要上庭㗎！

有關「天門/新元朗仔」路線，請爬舊文或收聽 Sportsoho 節目「開山掘路」系列。

ChanLing@FB

當紅葉出左，好多人會慕名而去