又嚟牛潭尾軍路

egg_studio

日前帶隊踩單車遊元朗、錦田、上水粉嶺一帶村路，除咗幾條熱門路線外，加遊頗冷門之牛潭尾軍路。

當日，當大家去到新田軍營時，稍作休息。期間有車手因為睇咗大笪地介紹嘅「靚景！牛潭尾軍路黃昏遊」及「消失的路」，但搵唔到消失的路入口，於是提議即興走消失的路及牛潭尾軍路，不走新田軍營。（其實若不入新田軍營，軍營外亦有一條好玩嘅村路，替代新田軍營，此路線有機會再作介紹。）


上次走軍路，已經係差不多一年前。今日所見，消失的路已完全消失，往上走幾十米後先見到零碎石屎路遺跡。至山頂，「地標」英軍建築物已 80% 隱沒在大樹裏，大部分車友唔講都唔覺。


山頂後，係考驗技術嘅樹林下坡路。之後接上牛潭尾軍路，遇到解放軍除草。


之後沿軍路上山，抵達電視訊號發射站小休及睇風景。下山後參觀龍潭觀音廟，然後沿村路往粉嶺散隊。
消失的路山頂「地標」英軍建築物


消失的路已完全消失



「地標」英軍建築物


樹林下坡路


牛潭尾軍路


牛潭尾軍路


路標


龍潭觀音廟

DominicNg@G

國慶試轆一次，消失的路長滿草，到達山頂地標剛巧遇上雷雨，雨後落山往MX Club場，路面太滑實在難走，差不多全程推車。

希望有機會跟各位師兄一同轆車

egg_studio

果條路又難踩又要推，所以若不是有車友話要試，我平日都唔會踩。（所謂搵嘢嚟搞）

kingswoodkc

兩星期前經軍營落牛潭尾,發現消失的路入口有修剪過，起碼見到個路口，但內

egg_studio

kingswoodkc 發表於 18-11-2015 12:57 PM
兩星期前經軍營落牛潭尾,發現消失的路入口有修剪過，起碼見到個路口，但內 ...

因為山上面有幾座墳，所以春秋二祭，山路都會出嚟現一現。