蓮麻坑礦場：3、4、5、6 號洞（外）探秘

egg_studio

日前炎熱天氣警告高掛、烈日當空，當然係做戶外運動好時機！

早前單車遊蓮麻坑礦場，一遊幾個廢棄礦洞洞外。早前有行山者雖沒有進入礦洞，但可能對地形不熟悉，或者一路行一路玩手機，所以直墜礦洞豎井，不幸身亡，因此，請大家若冇足夠裝備、礦洞地圖、入洞及攀爬經驗，切勿入洞，免生危險。


先搭的士上紅花嶺，嚟一張例牌風景相。


其實至今未清楚坊間對洞名的命名方式，若從位置由低至高編排的話（這是大部分常見做法），這被藍色鐵閘封閉的洞是 3 號洞旁邊的一個試探洞（同樣被閘落閘），只有兩米深。此洞旁邊的 3 號洞是漁護署長期監察蝙蝠的位置，洞內結構穩固，但同樣被封，切勿進入。

被封的洞……有書籍記載是 3 號洞，亦有網上行山後記指是 5 號洞。但若從各洞位置從下而上編排，藍色鐵閘的應是 3 號洞，原因有三：

• 3 號洞向上走是被封的 4 號洞，下文有相；
• 4 號洞上又有近期因山泥傾瀉而外露的 5 號洞，而 5 號洞之上，就是著名的 6 號洞。
• 負責監察蝙蝠的是認識的人，所以佢話 3 號就 3 號……
  

早年被封的 4 號洞。外面仍可見運載礦石的鐵路路軌。


從高看 4 號洞。


4 號洞之上的 5 號洞。此洞有兩出口相連，約深 30 米，內有支路幾條，全是盡頭。起初以為與 6 號洞連接，但最後確認不相通，但另有發現（另見蓮麻坑礦場：3、4、5、6 號洞（內）探秘）。


差不多 45 度的礦坡。


從礦坡滑下，半分鐘即到坡底！若身手不佳，不遠處有石級往下。


於日侵時期被炸毀的貨倉，另見雨中遊蓮麻坑礦場。

egg_studio

AuYiuShingEd@G 發表於 27-7-2015 10:33 PM
多謝版主提點，我定會小心的，我也会考虑買部氣體探測儀以供活動安全

既然你咁堅持自己入洞，咁有幾點你要注意：

• 電筒不需強力；強力電筒會令你失去方向感，亦令你反而睇唔到直井。你若有入洞經驗就會明白 -- 所以，你有時睇 Discovery，入洞都係用頭燈，有時仲會用昏黃果隻。
• 電筒一定要後備，電芯都要有後備，千萬不要用電話當後備電筒。
• 手套 + 頭盔 -- 我地玩開都成日撞到頭。
• 急救包。
• 因為蓮麻坑收唔到香港電話網絡（有時收到，但打唔出），所以要準備漫遊或國內電話卡。
• 有需要求助時，可以衝落山，到禁區鐵絲網，搵部 CCTV 揮手求救。
• 出發前講低俾「有經驗、熟路」嘅人知（希望你有啦），安全出洞就向佢報平安。親身例子：我平時入洞前會 call 版主，話佢知去邊個洞、乜地區（我地當然有晒全港礦洞內地圖，有晒名稱 / 街名），預計出洞時間。若到時版主收唔到我電話，就會嚟救我。因為版主識路，就算要 call 999，佢都可以清楚指出我去咗邊。例如蓮麻坑，若你不幸跌入直井，你 call 999，警察都唔知個直井通去邊，呢個時候就會 call 版主了。
  

總之，蓮麻坑死過人（跌落直井），所以千萬要小心。

egg_studio

5542 發表於 23-7-2015 10:24 PM
先謝師兄賜教。

想請問所謂六號洞係淨指廳內靠右(南面)那個,

你好，我地一般都稱你相片果度叫 6 號洞（包括 1 及 2）。至於點解叫 6 號洞，主要有兩個原因：

• 坊間有一本書，詳述蓮麻坑嘅歷史，其中記載當年係以海拔高度、由低至高排列礦洞，你照片果個係第六個，所以叫 6 號洞。
• 我有朋友響礦洞做生物研究，佢地學術上都係以上面嘅命名方法。
  

當你入 1 後，就係地下湖。其實若你游入湖，入面有路通往隔離。再深入 1 的話，你會上上落落大約百多米距離，就會發現去返原來地方，咁就行咗一圈。另外你提過嘅直井，你見到「對面條路」係可以響某地方入去，但掘頭嘅。至於向下，則通向另一個礦洞（此路需要游繩）。

至於 2 ，你都應該知道，入面係一個十分大嘅空曠「大廳」，裏面有幾條通道，其中兩條係相通，大約 50 米多啲。

入礦洞有一定危險，特別係冇識路及識攀石嘅人帶住，好容易迷失，最嚴重係跌落直井（有時，因為洞內環境問題，電筒未必照到你腳邊嘅直井，特別係對冇乜礦洞經驗嘅人），所以萬萬要小心！

egg_studio

5542 發表於 21-7-2015 10:21 AM
早兩日o係粉嶺站截的士無人肯去, 最後要o係山腳徒步上山, 咁就一粒半鐘...

上紅花嶺條軍路（注意：果條路不是叫「紅花嶺路」）的士及 van 仔係有權唔去的，因為的士及 van 仔保險唔包。

又講多少少：

我問過響上面工作嘅朋友（請睇番上文），佢地租 van 時，需要得到 van 仔牌保，然後幫佢地買一份當日用嘅保險，咁先租到車。此外，由於呢個關係，佢地不能租 gxgxvan（希望大家估到點解啦 ~~ ）。

kingswoodkc

5542

早兩日o係粉嶺站截的士無人肯去, 最後要o係山腳徒步上山, 咁就一粒半鐘...

5542

當日入洞時, 於大廳中可以走一圈的那個洞(唔知各位師兄通常點叫)發現好多石塊都好峰利, 唔知係人工造成定其他原因?

egg_studio

礦洞內石頭大多係人手或用炸藥開鑿，不是天然的。

egg_studio

「走一圈」果個應該係指六號洞，但六號洞有兩條路都可以「走一圈」。我地都係叫果處「大廳」。

5542

先謝師兄賜教。

想請問所謂六號洞係淨指廳內靠右(南面)那個,
定係指包括廳內外的成組礦洞, 即圖中那組,
另一條可以「走一圈」的路又是指那一條?

當日另外入過既係「1」, 一落到去就見到應該係傳說中既「地下湖」,
對面有一疑似直井, 話「疑似」係因為見對面尚有通道,
之後見分叉路開始多, 加上時間及裝備都不足, 就無再深入。

5542

唔該晒師兄, 真係獲益良多。
因為自己其實對本土歷史研究有興趣, 亦有行開D冷門山路,
希望日後有機會一齊尋幽探秘

wongdavid

> 我有朋友響礦洞做生物研究
版主朋友需要義工嗎？上山下海都無問題，閒日亦能調道時間參與

egg_studio

wongdavid 發表於 25-7-2015 01:20 PM
> 我有朋友響礦洞做生物研究
版主朋友需要義工嗎？上山下海都無問題，閒日亦能調道時間參與  ...

果份係 full time 位；你（或我）做義工的話就打爛人地飯碗了。

AuYiuShingEd@G

我本來打算今天去蓮麻坑礦洞探險，由於天氣不隱定所改日去，請問版主新手行那—個礦洞較好？

egg_studio

新手切勿自己去，應該搵熟悉礦洞內部情況及有豐富入洞及攀爬經驗嘅人帶你去。

AuYiuShingEd@G

我會帶强力电筒及足够的設備，初次去會只探—段小路程，應該可以應付得來。

12pt

新手行下6號啦，但都要極小心，其他門口望下都ok，因為有D洞入面得一條木柱頂住，條木一郁就.......
另外入洞記得唔好手多多，空氣一唔流通就退番出去，最好有氣體探測儀.........正常人應該唔會有.......總之萬事小心，睇請楚先行，否則好快就蒙主寵召........

AuYiuShingEd@G

多謝版主提點，我定會小心的，我也会考虑買部氣體探測儀以供活動安全

AuYiuShingEd@G

我會有另一位朋友同行照應的，而以前我也去過台湾，桂林及泰国的岩洞探險，可能是旅游点所以無咩危险，近来見有不小人去過蓮麻坑礦洞，玩後post 了上纲，所以自已都很想去，但你說蓮麻坑礦洞咁危险，覺得都係跟熟悉該洞人仕帶领較好！

12pt

一般人入蓮麻坑都係去6號洞，的確係比較易同安全，但蓮麻坑全長有兩公里，就算斷開到好長，加上有被炸過，所以結構上會比較危險。

第7點可以留言比egg_studio啦，留埋你電話比佢，萬一有時佢會報警加跑山去救你 XDDDD