團購完成：Absolute Black 鵝蛋單餅裝拆教學及報告

egg_studio

近年興單餅，年幾前換了 SRAM XX1，除咗令成架車輕之外，效能會有明顯幫助，所以環觀一下本地及外地比賽，單餅大概成為「標準」配備。（另見 Sram XX1 初探及開箱）

除 SRAM 外（Shimano 果套 XTR 就不值一提了），不少細廠及零件廠都推出使用正負齒嘅單餅，而 Absolute Black 新出鵝蛋片，價錢同比另一啲細廠出品嘅鵝蛋片平一截，加上用 Direct Mount，不需使用 adaptor，總支出及重量都減輕不少！

所以，又嚟團購！


「做手術」嘅係我老婆座駕：X7 2x10 套件、99% 平路、不入山、更加不會上斜路。

X7 齒比：
42T（前）/ 12T（後）= 3.5
28T（前）/ 36T（後）= 0.78

換鵝蛋餅後：
32T（前）/ 12T（後）= 2.67
32T（前）/ 36T（後）= 0.89

從計算可見，換 32T 單餅後，會出現「平地唔夠快、上斜唔夠力」情況（同 Shimano XTR 單速一樣），不過，由於我老婆實際不會入山，也不會上大斜；平日慢踩也甚少「重腳」，所以冇所謂 -- 亦可見點解有好多人認為 Shimano 單餅會夠用。亦因為咁，未必會加 42T 「拓展片」。



Absolute Black Oval SRAM chainring（59 gram）-- 留意，係 SRAM 嘅 Direct Mount for GXP 及 BB30。


  

先用 8mm 六角匙拆出前餅。由於我並非用 SRAM 嘅 BB，所以會有一個 adaptor，半遮住三粒螺絲。




小心拆走 adaptor，清楚見到三粒螺絲。清潔後以星批拆走螺絲。（正常會有沙泥積聚，所以建議先清潔，避免滑牙。）




Crank arm 及前餅分離。清潔一下 crank arm。



以高級防水雪油塗響 crank arm 及鵝蛋餅之間。（若冇防水雪油，可用一般五金鋪買到嘅「超能雪油」，不過防水性能冇咁好。）



套上鵝蛋餅。上緊三粒螺絲（說明書註明為 4-7Nm），上螺絲前緊記加螺絲膠！




加防水雪油後，套上 adaptor。




裝回之前，例行清潔一下 BB，除走沙泥。左右 crank arm 接合位也要塗上防水雪油或「超能雪油」，寧多莫少，多咗就抹咗去。




BB 啤令用高級啤令雪油 -- 打入 BB 啤令內。




由 X7 嘅 42T 轉為 32T，要調較波腳與導輪距離的螺絲（請睇番波腳說明書，參考導輪與飛輪的距離）。有需要，要 cut 走幾格鍊。（我就要 cut 走 3 格）。




拆走前餅波手及波線，加埋原來 X7 雙餅，總重量 499 gram；減去單片嘅 59 gram 後，總重量減少 440 gram。440 gram 唔算多，可見 X7 雖屬入門，但重量也冇令人失望。


大功告成！