賤格5--單車上火車,唔係頭尾卡

超級神秘人

仲要響繁忙時間！呢D黑白人渣車手硬要搞到以後港鐵唔準單車上火車先安樂

神秘人

如果他朝港鐵真係唔比單車上,呢班單車販類D相應該公開至遊客都睇到

Homan

同埋最好正面相
話時話，港鐵好似無大字標題提醒我地單車要去頭尾卡？

神秘人

Homan 發表於 3-9-2012 06:54 PM
同埋最好正面相
話時話，港鐵好似無大字標題提醒我地單車要去頭尾卡？

當然冇大字標題啦,港鐵附例列明單車根本唔可以入閘,依家可以拆轆上頭尾卡因單車團體,運輸處及港鐵達成既共識,為左方面單車友,因此只會口頭上話拆轆上頭尾卡就可以入閘,實際根據附例,單車唔該搭的士或自己踩啦.

至於拆轆,因為之前有D敗類響月台踩單車,所以傷殘人士輪椅唔駛拆,自由行奶粉手推車唔駛拆,但單車一定要拆,都係因為有敗類做壞規矩。所以我十分支持貴論壇公開D單車販類相,反正香港冇肖像權,而D敗類事實真係犯左港鐵附例,你地做法完全合情合理

如果一定要大字標題,咁即係唔入得閘......

willywong

踩開車的一眾都有共識,就算冇大字寫明,我地會好自律

Homan

神秘人 發表於 3-9-2012 10:00 PM
當然冇大字標題啦,港鐵附例列明單車根本唔可以入閘,依家可以拆轆上頭尾卡因單車團體,運輸處及港鐵達成既 ...

強謝神秘人兄，BTW，呢排少左上金融版？
幾時一齊研究下？

egg_studio

其實港鐵附例第556B章--第4A條已清楚列明單車不可進入港鐵，而運輸署網頁內亦有一個「在公共交通工具攜帶單車的安排」章節，清楚解釋該條例，但同時提及現行港鐵容許單車入閘為「彈性執行」措施，因此，若要求港鐵一定要講得清清楚楚單車嘅安排，就係不能攜帶單車進入港鐵 (細閱條例，連進入港鐵範圍也不可以，徨論入閘與否)

違反第556B章--第4A條最高罰款 $5000 及監禁六個月。