鬼故…？ 大笪地版主一次親身的經歷

Homan

好啦…
其實係一次親身的經歷  ，無花無假。
不過係唔係鬼故…我就唔知啦！

大約1x年前，我有一個朋友叫「周x欣」
果陣佢o岩o岩考到車牌，連同另外兩個中學的死黨(其中一個當時已經當了差4-5年)驅車周圍兜。
時間係凌晨兩點至四點左右(實際時間唔記得…)，先後兜過沙田坳道、飛鵝山咁… 之後兜兜下，唔覺唔覺，兜左去油塘一帶…
當時油塘果邊對我黎講係一個好辟的地方…
o向果度兜兜下見到有上山路口，諗住可能有路去d好似飛鵝山之類高一d又特別d的地方，咁咪駛入去睇睇囉…
兜到入去唔係好耐，發現有個回旋處，原來係墳場入口！
大家面面相覷，諗下諗下，都係啦啦臨兜返出去啦。
條路好靜、無街燈、我地亦都無開收音機。
差不多出到路口的時候，竟然見到兩男兩女在路邊！
佢地都著住「正常」的衣著，不過唔係好有印象。
一男一女坐在路邊，一個男的站在他倆身邊；另一個女的，站得比較出一點，
白T恤、牛仔褲，「清湯掛麵」的頭髮，徐徐地向我地架車揮手！！
我好記得，佢地全部都係目無表情，當時我同周欣等人應該無諗過咩邪門野，
反而收到架車好慢好慢，車內其中一人仲話：「唔通佢地壞左車？」
我當時都只係一心好奇，因為我坐在司機位的旁邊，所以係最接近「佢地」。
正想打開窗之類問一問發生咩事之際，車中當差的那位說：
「走啦…佢地想點我地都幫唔到佢地啦，我地架車又無位…」
當時我地好似突然「係喎！停又點o者？」的心態，慢慢的離開。
但係果幾個「人」動作、表情仍然都係無變過…
當時其他人點諗真係唔知，淨係問過周欣，佢同我一樣都係無諗過有咩怪力亂神的事，所以當時都唔係點識得話驚唔驚…
反而好想問番當差的果個朋友，問下佢記唔記得呢件事…
不過，我地好耐無見佢啦都…

究竟，當時我見到o既「人」目的係咩？
果一帶附近印象中當時係冇咩好近的住宅，而且半夜三更…
唔通係d大學生O'Camp玩嚇人之類的惡作劇  ？
真係唔知………

来自: 香港大笪地 -- 自己友天地 iPhone客户端

egg_studio

拍拖、準備打野戰、行夜山......香港乜都可以發生。

睇嚟我要出「大笪地兩名會員大陸100公里邪骨冒險記」lu

Homan

當時2男2女，佢地表情好鬼異架

egg_studio

Homan 發表於 11-7-2012 01:50 PM
當時2男2女，佢地表情好鬼異架

兩男兩女準備大混戰前俾你撞破，我都表情鬼異啦

hawaiiandaily

見你講開又講番，早幾年有一晚當時約零晨二點至三點之間由龍翔道返長沙灣，經長沙灣天主教墓場時，遠距離見一名長髮白衣人企在對頭行線中間"博"位電燈柱下等正過對頭行在~當時又係冇乜諗邪門野只係奇怪點解有人會咁夜行上高速公路來過馬路，果度可以去邊？條友冇車又唔過想點。突然後面呠呠 2 聲才發自己快撞向前方"博"位 ~ 打了死火燈慢轆再望倒後鏡白衣人不見而呠我的也消失了，沒有車在我後面，也沒車過我！

Homan

hawaiiandaily 發表於 11-7-2012 05:31 PM
見你講開又講番，早幾年有一晚當時約零晨二點至三點之間由龍翔道返長沙灣，經長沙灣天主教墓場時，遠距離見 ...

天使大戰魔鬼！！