海南雞飯

Jack-n-box

我很喜歡吃海南雞飯。本地有很多餐廳供應，近期每次點吃了也替它拍照，與大家分享。


圖一. 沙田某食肆，$48。份量一般，雞味不夠，大概是用上雪藏貨色。醬油夠濃，咸甜適中。


圖二. 北區某 food court，$42。雞、湯及菜份量足。油飯顏色鮮豔，頗不自然，缺乏油香。


圖三. 大坑某食肆。雞及油飯顏色及味道適中，而份量及賣相亦與地道新加坡一樣，並非港式海南雞飯。$42 連湯及餐飲。

我會不時加相更新，請大家多多支持。

alexphoto

看來大坑果間最正宗, 有人介紹中港城酒店有間東南亞餐廳的海南雞飯很正, 請問有何評價?

egg_studio

雖則正宗，但港式海南雞飯好食又豐富......

去過兩次新加坡及一次馬拉，d 雞唔知係咪品種或其他原因，連香港 d 冰鮮雞都好食過當地，當然更加及唔上大陸 d 走地雞。

Homan

另外在 times square 對面有間同 @alexphoto 一齊食過的都不錯… 下次補D相～

willywong

葵涌廣場都有間無骨海南雞飯幾正，下次相機食先再分享

Applepie

我下次介紹下各區麥記蘋果批的優劣先

willywong

Applepie 發表於 6-7-2012 11:10 AM
我下次介紹下各區麥記蘋果批的優劣先

咁薯條有冇得做下介紹下?

egg_studio

Applepie 發表於 6-7-2012 11:10 AM
我下次介紹下各區麥記蘋果批的優劣先

講得出做得到先係呀

Jack-n-box

大家好，幾天前光顧了灣仔會展內的食肆。這裡的海南雞飯做得出色，早前到過一次，不過哪時候沒有拍照。今天重臨，為大家分享。

雞嫩鮮味。附一壺雞湯，倒入盛載了冬瓜的湯杯內-- 這是暫時吃過最好的雞飯。$60

Homan

Jack-n-box 發表於 10-7-2012 12:07 PM
大家好，幾天前光顧了灣仔會展內的食肆。這裡的海南雞飯做得出色，早前到過一次，不過哪時候沒有拍照。今天 ...

會展入面先60蚊又唔算貴啵～

egg_studio

$60 咁嘅 look 絕對唔貴。響新加坡某間報稱好出名嘅酒店，個 look 只係美心 look，但半島價錢，所以食嘢點都係香港好。

Applepie

egg_studio 發表於 7-7-2012 06:25 PM
講得出做得到先係呀

大家有無試過在麥記吃到與別不同的蘋果批？

話說幾年前，有次如常在麥記買蘋果批，打開來的，不是一般麥記的蘋果批，而是像美式快餐店「jack-in-the-box」一類，好像曲奇餅面的蘋果批。
當時印象深刻，但又沒有八卦去counter問是否給了我錯的東西，而且非常好吃～
不過只此一次，真的大惑不解。

Jack-n-box

Applepie 發表於 18-7-2012 11:20 AM
大家有無試過在麥記吃到與別不同的蘋果批？

話說幾年前，有次如常在麥記買蘋果批，打開來的，不是一般麥 ...

其實麥記做的蘋果批才是 "與別不同" 。

假如有機會在本地或外國的餐廳，叫一客蘋果批，上枱的多會是你所吃過的那種蘋果批。

Jack-n-box

在某間新界區連鎖式茶餐廳的下午茶海南雞飯，$32 連冷熱飲品。

Applepie

Jack-n-box 發表於 24-7-2012 09:43 PM
其實麥記做的蘋果批才是 "與別不同" 。

假如有機會在本地或外國的餐廳，叫一客蘋果批，上枱的多會是你所 ...

我知道，呢d先係真正嘅蘋果批…
不過真係唔明典解果次在老麥會食到曲奇面…