防空洞變鬼屋

egg_studio

上星期走馬看花遊潮洲，發現城區有頗多防空洞，大多數用鐵枝封住，不過某一個防空洞被改建為鬼屋。



入場費為幾蚊人仔，門口就十分求其，有枱有凳、其實仲有一部洗衣機（影唔到），十分家庭式。入到去當然唔會 expect 係海洋公園哈佬喂咁玩法，不過令人勾起荔園嘅回憶。

「防空洞鬼屋」有 d 似荔園鬼屋 + 恐龍屋，入面大部分地區都陰陰暗暗，行到防空洞原屬分支路，就安裝咗 d 殘舊又假，但假得嚟又好 cult 嘅公仔，紅外線 sensor 一 detect 到你就彈出嚟，不恐怖，但十分快樂，好似行緊荔園咁。

呢條鬼屋路差唔多有一公里咁長 -- 門口寫長一公里，我開頭都唔信，結果行吓行吓影吓相，都行咗半個鐘先出番嚟。

Homan

呢個都入「探險版」？

alexphoto

起馬大陸識得利用呢d防空洞來資源增值, 如勿論個效果係點, 但總比香港政府將d軍事遺址就咁掉空幾十年, 但又另行開發岩洞。

egg_studio

Homan 發表於 22-3-2012 12:20 PM
呢個都入「探險版」？

版規話軍事遺跡就入探險版......

egg_studio

alexphoto 發表於 22-3-2012 01:12 PM
起馬大陸識得利用呢d防空洞來資源增值, 如勿論個效果係點, 但總比香港政府將d軍事遺址就咁掉空幾十年, 但又 ...

咁又唔可以咁講，香港部分軍事遺跡，例如防空洞，有 d 已經變咗地鐵，亦有計劃發展為紅酒庫、貨倉。

而岩洞係另一樣嘢；最大分別係面積，政府依家發展果 d 岩洞係講緊可以成個污水處理廠放入去咁大。早幾十年當發展商響馬鞍山起樓時，曾發生打莊時成條莊跌入岩洞內，當時先開始研究香港地下 d 岩洞原來大得好緊要。。

kaiboy123

唉，浪費左一個咁有教育意義既地方

Lazian

係東莞好似都有一個

egg_studio

Lazian 發表於 12-12-2016 03:59 AM
係東莞好似都有一個

知道位置嗎？

Lazian

好似喺麒麟山莊對面

qeiihill

睇完記得泰國有個以地獄為題既主題公園..........

egg_studio

東莞麒麟山莊？我地去過附近有個「荒廢遊樂場」， 你係咪講緊嗰一個？