高街鬼屋（有圖有真相）

egg_studio

現在高街鬼屋已改建成社區中心，不過約廿幾年前，曾經深入鬼屋，雖然冇鬼，但影咗幾張相，scan 番上嚟大家分享吓。



d 相睇落好似有用 filter ，不過留意，果陣仲係用菲林機。用 ISO100 菲林但較去 ISO400，然後請曬相鋪 push 一至兩級，就做到呢個效果。有興趣下次到我屋企時攞番原相大家欣賞。

此外，我實際唔記得幾時去影，不過從相簿內呢張未用嘅 5R 贈券睇嚟應該係 1991 年四月嘅事。

egg_studio

近日工作關係，要響第一二三街出沒，所以專登走上去高街，睇吓鬼屋依家變成點？

上一次去，就係影呢輯相果年，應該有二十幾年前了。

仲專登影番當年坐兒童車果個位置，依家有鐵欄，入唔到了。

egg_studio

以前年代冇話「探險」唔「探險」，有地方去咪去玩，當年電視、報紙耐不耐都有介紹，但唔會好似依家咁，一有報導或網上有人講，就引一班人瘋狂咁去打卡（例如睇芒草），加上一般荒廢地方又冇人理，總之時代唔同玩法都唔同。

野孩子

egg_studio 發表於 3-3-2017 12:17 PM
有冇影底張油畫？

冇呀, 見唔到油畫, 因為成夜晚11點幾入, 太黑了, 只記得我爬窗入去, 房內有一張三腳椅, 轉出去就見到內園, 再轉就係大廳同一條長長的走廊直通另一面.

hawaiiandaily

正~探險始祖~
第二張好正

egg_studio

我記得 d 牆係一係藍色、一係粉紅，總之入到去 d 顏色好奇怪。而一樓上二樓的樓梯有一張好大嘅畫，畫 d 奇怪嘢，所以 d 人果陣話佢係瘋人院。

而響二樓，真係有一張好似電椅，椅上有 d 扣，用嚟 lock 住果人，不過搵唔番張相，但明明記得有影。

hawaiiandaily

有冇影底幅畫?
另有冇去埋寶馬山鬼屋?

Homan

正呀，好有菲林味…

egg_studio

Homan 發表於 23-2-2012 12:49 AM
正呀，好有菲林味…

都話係菲林相，當然有菲林味。

12pt

十幾年前都有去過，不過無影相。果時重要晚上10點幾入，等到正12點係中庭（中庭係個花園位）睇下有無乜野怪事發生。最後當然無啦，疑心生暗鬼就有 XDDD

egg_studio

12pt 發表於 23-2-2012 09:33 AM
十幾年前都有去過，不過無影相。果時重要晚上10點幾入，等到正12點係中庭（中庭係個花園位）睇下有無乜野怪 ...

有冇影低中央樓梯果張畫？

12pt

都無，因為果時無帶相機，只記得中央樓梯落下層位已倒塌，但有另一邊可以落地庫，而地庫有個位好似停屍間....

alexphoto

我好似係92or93年去的, 總之係"大迷信"之後, 果時已經俾大燒過, 好多地方都爛晒, 去到地庫入口時電筒突然失靈, 於是走咗。

egg_studio

因為重整緊個人 album，又搵多兩張高街鬼屋相。

神秘人

根本就系大迷信

ChanLing@FB

近排政府開始話要拆....

LamLeungWan@FB

見到個地板就諗起太古7廠....危機四伏

egg_studio

我都有將呢啲相放響 egg studio，有位讀者回信，話有樓梯上果張大油畫嘅相，我已經情商佢 scan 嚟分享一下！希望大家有眼緣啦！

ShingWong@G

當年咁玩係咪叫迫沖？

ShingWong@G

你地咁好玩咗探險廿幾年！

ShingWong@G

我都希望有機會開吓眼界睇吓張油畫相。

egg_studio

而果張畫又真係好奇怪，大家都知道有呢張畫，但總係冇人影低（包括自己，都係睇完就算），我有問過版主，佢都見過，但又係冇影相，而網上都唔見有……