沙頭角解封 周末勢迫爆 出入僅一路 警籲勿湧往

alexphoto

普通市民今後可以去沙頭角玩啦, 之前我哋個 "蓮麻坑計劃" 看來可以展開了。
請問此討論區的幾"新界皇"對呢單嘢點睇? 是好是壞? 未來會組團去考察一下嗎?

明報專訊】「塵封」61年的沙頭角和米埔大部分邊境禁區，今凌晨宣告「解禁」，8條村的居民今後毋須以禁區紙出入，全港市民也可自由進出旅遊休憩。由於沙頭角村民早有準備，增設農莊大搞生態遊吸引市民，預料周末該區人流勢大增。警方昨承認，目前只有一條公路可進出沙頭角，會與運輸署協調，因應禁區開放後的交通調配，呼籲市民不要因好奇「一窩蜂」前往。

昨晚8時，鄉議局和一眾村民已在沙頭角筵開30席，慶祝「解禁」，當時針指向凌晨零時，鄉議局主席劉皇發及副主席張學明便帶領27架車輛駛入沙頭角，村民夾道歡迎，象徵石涌凹檢查站正式撤銷。邊境檢查站今起會向北移至沙頭角墟口，新檢查站和圍網已準備就緒。連同米埔禁區，第一輪邊境開放共「解放」3000多名居民。至於落馬洲至蓮麻坑的兩個禁區，定於下年和2015年逐步開放。
警務處沙頭角分區指揮官葉家豪表示，禁區開放後，相信會有較多人和車進出該區，警方早前已在《警訊》呼籲市民不應因好奇而湧到沙頭角。沙頭角公路是進入沙頭角唯一道路，警方指駐守該區的警員數目暫時不變，但在未來數星期，會視乎流量與運輸署加強協調，紓緩交通擠塞，又呼籲市民乘坐公共交通工具（見表）。
區議員促加強疏導交通
北區區議員溫和輝認為，該區只有單行線的公路，警方應增加警力在粉嶺至沙頭角一帶疏導交通。他指開放後的沙頭角區欠缺停車場，私家車難以停泊，警方要做好預防，以免沿路「大塞車」。
今次沙頭角6條村開放（塘肚村、新村、木綿頭村、蕉坑村、担水坑村和山嘴村），不包括有社區設施的沙頭角墟和中英街，保安局副秘書長葉文娟解釋，由於墟內並無天然屏障和正規的管制站，跟中英街分隔，而走私和非法入境活動仍頻，基於保安理由，沙頭角墟將繼續是禁區，但當局會研究能否有限度開放。
警務處沙頭角分區指揮官葉家豪舉例稱，近年本港在邊境禁區錄得的走私案有下降，去年只有5宗，但全部在沙頭角區發現；至於同年在邊境拘捕的168名非法入境者，有66名是在沙頭角區拘捕。
不過，在担水坑村居住了75年的邱伯直言，以往在禁區內進出沙頭角墟，不用經過檢查站，現在反而麻煩了，更不可帶親友進出沙頭角墟。警方強調，有責任維持邊境治安，日後仍會根據「實際需要」向市民批出禁區紙，審批手續跟現時沒改變。

egg_studio

我之前已回 post，你睇番尋日的 post 啦。

其實解禁唔係好大地方，只係將關閘推後一公里，而照地圖上睇，蓮麻坑礦洞位置應該仍屬禁區。

而昨日的所謂解禁儀式， d 原居民，特別係有地權果班，已經磨拳擦掌話要起丁屋，但似乎唔太聽到話賣地俾地產商，可能大家都心裏有數，城規會及政府一定睇得好緊，最多俾你地起丁屋。

而唔高興果 d ，就係上文所講，本來可以入中英街，依家變咗唔入得果班，冇得去買平餸。

egg_studio

睇番今日東方新聞，有一班單車友一行18人真係以為所有禁區都解封，結果俾警察拉晒。

提一提會員：之前大笪地單車邊境遊果 d 地方不在解封之列內，所以唔好跟番我張 GPS 地圖踩入去。而且呢排一定會捉得好緊，所以唔好亂入。而蓮麻坑礦洞及部分紅花嶺一帶都仍屬禁區，冇合法途徑（例如由"新界王"申請禁區紙你入去）唔好亂闖。

egg_studio

原來之前響探險版嘅回覆被 set 咗閱讀權限，而我嘅回覆不涉及違犯版規，所以 forward 呢度大家分享：

因為過去為了防止偷渡，所以港英政府於邊界起區設立了禁區，沙頭角只係其中一個。我屋企附近尚有落馬洲、蓮麻坑、打鼓嶺等地，而沙頭角只係第一個開放地點（或者係唯一一個），原因果度有商業活動，及設有中港關卡。

有 d 因擔心解禁後會發展豪宅而反對解禁（及繼續解禁其他禁區），而贊成嘅當然係禁區內之部分居民，因為佢地可以將農地及屋地賣俾發展商起豪宅。而亦有部分居民因唔係地主，所以擔心住緊嘅地方會被業主收番，所以反對解禁。

之於會唔會起豪宅，就要留意城規會會唔會通過。若唔想咪提出反對，一般而言，新界地政署會「提醒」村民記得去反對。

就日常生活，沙頭角內之部分香港居民明天起可以唔駛用居民証進出，而一般人亦不需禁區紙（正常人係申請唔到，一定要有禁區內居民擔保先可以攞到）可入到本來禁區位置。

提一提，沙頭角解禁只係將閘口推後約一公里，至現有入境處大樓前，並非可以自由出入沙頭角及中英街。

但對於對香港歷史有興趣嘅，因閘口推後咗，所以本來響禁區內之歷史遺跡（即樓上所述及當年沙頭角火車站及部分路軌及隧道）可合法到達。