汕尾單車團 -- 兩日一夜

admin-photo

汕尾單車團將於 27,28/8 (星期六、日)舉行。先於香港搭巴士往汕尾，然後從汕尾踩返香港（沙頭角）。夜晚踩到邊住到邊。

路程約 200 km ，以快踩為主。

Homan

小弟29／8深夜回港～ 無得玩LU～～～

egg_studio

因冇人去過，所以綜合省交通圖、Google Map，及百度地圖，大約擬定路線如下：

沙頭角 -- 澳頭，此段大家都有經驗，可省略。

澳頭沿中興中路北上，至石化大道中，見油站右轉（上次往惠州就左轉）......開始探路之旅。

沿石化大道中踩至尾，駁 X207 國道。

沿 X207 國道至聯豐村或曾屋寮（總之見到海），可搜索鄉郊路往對岸嘅稔山（因 Google Map 衛星圖清楚顯示有路），或繼續沿 X207 繞一個大圈到稔山。

於稔山沿 G324 國道抵吉隆。

吉隆可選東北之 G324 或 東南之 121 國道，兩條路會響排角匯合。（121 國道約 23 km；G324 約 21km，但 121 較平坦）

然後繼續沿海走 G324 抵附城鎮，右轉海麗大道，一條直路南下 20 km 就抵達汕尾市。

其中有個走盞位，就響 G324 離開海邊轉往北時，會遇到一個叫南山油站嘅地方。果度有條路往東行，行 10km 會去到長沙港。長沙港與對岸只有 500 米，以長沙港大橋連接，但大橋乃高速，恐防單車上唔到。對岸有一個渡頭，如果估計冇錯，長沙港附近應有街渡過對岸。咁的話，可以慳番約 30km 路程。而響百度上亦見有人表示，長沙港大橋有行人及單車道。總之可以過到呢 500 米，就可以慳 30 km。

假如冇街渡，響長沙港往北走最後都可以駁上海麗大道，亦比行 G324 慳幾公里。

最後粗略度地圖，從澳頭至汕尾，如果穩穩陣陣走國道（唔行上面所指果條 shortcut），路程約 140 km 。

Homan

大陸的跨江大橋，過江隧道都可以人行，單車點會唔比過？

egg_studio

因為那條橋屬高架高速的一部分，全長幾十公里，途中冇位從地面上去（應該），加上不是國道省道級的跨江大橋，又正鋪緊高鐵。