"隱世"日本菜 -- 粉嶺赤州

egg_studio

近期 d 乜乜飲食雜誌，成日用 "隱世" 呢個字。我響粉嶺住，早前連聯和墟 d 食肆都俾 d 低級記者形容為 "隱世" ，因此，呢間響粉嶺牽晴間嘅食肆都應該列為 "隱世"。

牽晴間比聯和墟更 "隱世"，因為如果你唔係響果度住，都冇乜理由會行去果度。我昨晚因事路經，本來想響附近 d 茶餐廳食晚飯，不過茶餐廳唔平，所以選了呢間赤州。

先講裝璜，好似去咗外國 (不是日本) d 餐廳 -- 枱與枱之間有成米幾，同一般香港中下水位餐廳果 d 枱角撞椅背完全兩個世界。

食物方面，睇相看故事：



油甘、鱆紅、醋 "青" ；油甘不夠肥，反而鱆紅及醋 "青"十分肥美。



火焰壽司 -- 我覺得一般，因為個人不喜歡熟壽司。不過，壽司的價錢與坊間迴轉壽司差唔多，十分抵食。



雜綿天婦羅 -- 價錢又係坊間迴轉壽司價位，睇份量就知抵食。特別嘅係，當中嘅蝦係用新鮮蝦炸！呢碟嘢，出面賣 $100 以上我都覺得值。



蕎麥麵軟硬適中，有蕎麥的香味。



呢碗麵雖然賣相真係差咗 d，不過味道一流。係乜嘢？溫泉蛋肉碎麵，不過隻蛋就沉咗底。



最後就係最差 -- 芝士蛋卷。呢類所謂新派嘢，一如以往，好睇唔好食。

總結，除咗個芝士蛋卷外，每樣嘢都超值。假如價錢貴 double ，仍然屬推介之選。

Homan

咁隱世，你唔出張藏寶圖我地又點搵到？

egg_studio

有，即係畫藏寶圖俾大家！

Homan

load 咁耐？ 畫個地球出來加一點？

egg_studio

你將藏寶圖套入現成地圖就得㗎啦