廸士尼 Hollywood 酒店差劣早餐

egg_studio

星期日車會 morning drive，本來有不錯嘅早餐選擇，但有人提議去新地方，咁大伙兒就揸車入廸士尼 Hollywood 酒店。

早餐每位 $150 ，價錢唔算貴，不過一睇到有乜嘢食，眾會員個個媽媽聲。

食物少到記得：珍珠雞 (據侍應話，由於今日係端午節，所以以珍珠雞代粽)、燒賣、多士、焗餅三款、白粥、炒麵、濃縮橙汁、蘋果汁、西瓜、菠蘿、凍腸三款、平價芝士又係三款、栗米片 (連鮮奶) 、小籠包…... 係咁多。







餐飲係有色冇味嘅咖啡及茶 -- 兩樣都試過，兩樣都冇味。

一睇個陣容，就諗到大陸零星至二星級賓館，租房送兩張早餐卷嘅早餐，不過大陸果 d 多咗煎蛋。

雖然唔肯定廸士尼 Hollywood 酒店係咪得一星，不過以裝璜，應該有四或五星，但一睇到呢 set 早餐，真係......唔怪得之廸士尼開幕後，海洋公園反而多咗好多人，真係有競爭先有進步。

nangkipo

服務水準太差了..

egg_studio

服務水準唔差，只係食物水準差......

還是你有不快經驗？