CAAD9 vs XXXXXX + 刀鈴後感

egg_studio

呢個故事分享幾樣嘢，純屬個人經歷，有主觀成份，為免 80 後及某單車黑店 fans 唔高興，單車鋪我唔開名，某 d 單車牌子都唔開名，想知可自己估或 PM 我。

上幾個星期有一位同事 -- 就係當日響同榮俾條阿伯 "狗眼看人低" 果位 -- 終於買咗單車。

其實佢被狗眼看人低時已經月入約廿萬，仲要樓車供完，所以同榮入面都冇乜邊架單車佢會買唔起。

前排佢響新界區某一間冇乜單車賣嘅單車鋪訂咗架 road bike，連運費約八萬幾，仲要係粒聲唔出就走去訂，連我都冇通知聲。

等咗差唔多兩個月先收貨。原因係該單車鋪話單車唔寄得飛機，一定要用船運。咁我事後話，我都帶過架單車上飛機，只係俾多少少行李附加費。至於呢間單車鋪為乜唔肯用空運，至今仍係一個謎。

終於前幾日佢突然同我講，買咗架勁嘢，諗條路線一齊嚟試車！當時先知佢咁落本，買咗架 XXXXXX 。重點係成車，原裝跟新手及 80 後最愛嘅刀鈴。我一見刀鈴，仲要係中刀，就話試一轉鹿頸啦。

我就帶架 Caad9 應戰，路線係鹿頸 --> 三門仔 --> 船灣淡水湖水壩。結果我沿路大部分時間響佢後面推住佢，幾個山頭後，佢終於半爆 "計"，要停車睇湖光山色 (不過當日落緊雨) 及去買汽水。

我最後解釋咗刀鈴有乜好處及壞處，然後就交換車玩吓 -- 我都係第一次試過低過 10lb 嘅 road bike。不過輕還輕，上刀果下真係幾麻煩，去到差唔多 30km/h 先嚟料。新車關係，應該未開 hubs，加上當日落雨，條呔 pump 約 120 (max 220)，所以架車點都差 d 。佢玩完我架 Caad9 後，決定買多架冇刀鈴嘅車。

我嘅後感係響香港除非好似香討車神咁一出車就要報上各大 forum、運輸署、交通部等等搵人封路，否則得條翔東可以勉強踩得刀仔。亦見證咗前排聽某新手話響青公 d 刀鈴車唔停得紅綠燈嘅講法。

今日返工見佢成朝響度上網搵單車，我就冇乜俾意見，隨佢自由發揮。最後佢諗緊部 BMC SL01 成車，死都話唔要刀，問我掂唔掂？我就對 BMC 冇乜好感，而且掂唔掂唔關架車，重點係賣 BMC 果間單車鋪就好唔掂。反正佢依家月入應該唔止廿萬，我叫佢去 X 球睇吓好過。

去到  X 球 -- 由於好耐之前佢借過我架陳年 Giant NRS 玩過 -- 佢突然轉軚買左仔，搞到我都想買，不過都係等 29" 左仔......

結果係，大笪地就嚟多一個車友。

willywong

該位車主有興趣入山飛車嗎？

Homan

左仔好型！

willywong

係型,但係前輪冇快拆

c_Foo

響同榮俾條阿伯 "狗眼看人低" 果位 ..... 以為你講緊我

egg_studio

回復 5# c_Foo

唔係，果位真係我同事。

左仔拆頭轆真係幾麻煩，如果揸車都要拆 / 鬆頭 bar + 拆尾轆，否則入唔到尾箱。

egg_studio

回復 2# willywong

佢越野經驗係零......所以暫時未得，而且佢放閒日......

willywong

月入廿萬就唔洗週圍睇啦，去牛牛同T君講，佢實交部冠軍車比你

c_Foo

回復 6# egg_studio

我就係曾經試過上同榮比佢狗眼，當時下定決心有生之年有錢都唔會比佢賺

c_Foo

月入廿萬可算是小匯豐系列

Homan

回復 9# c_Foo

真係有錢，我買起佢間店再炒左果個員工

egg_studio

平心而論，人地月入唔止廿萬唔係靠炒股或做地產 agent，所以一定有咁嘅能力，同佢付出一定多過十個人，每人二萬 total 加埋。

而且佢有得月入廿萬嘅能力及消費力，就有相對嘅智慧去相信我講，唔會去 X 牛度俾人昆 -- 特別係佢曾經響同榮俾人狗眼看人低，及新界果間單車鋪死都話單車唔空運得，自此佢都覺得響香港買單車好似返大陸打邊爐咁......

c_Foo

大陸打邊爐咁......???

滾...滾...同埋滾 !

狗眼看人低, 估唔到今時今日香港都見到. 單車唔空運得, 講果位有腦病

c_Foo

回復 11# Homan

果個係老闆, 唔志在

Homan

回復 14# c_Foo

「真係有錢」就係囉…
今晚中左，一注中，我即買佢51﹪股權，一定會好好提升服務（同埋價錢…）

hongdonald

低過10LBS?點砌(用市面買到既件)?
小弟部S-WORKS 14.63 LBS已經好輕下,12磅都仲有機會,9磅幾真係真心求教..
其實刀鈴要有番一定既腳力踩,另外唔同品牌同結構真係好大分別..一般選擇30~46MM PROFILE既全能型刀鈴係真係好好踩..

hongdonald

另外8掛下係唔係CANYON成車?
配件應該係SUPER RECORD同LIGHTWEIGHT 軨

Homan

想問問點解刀鈴不適合？
其實刀鈴係唔係for室內不會有側風才有用？
定係點？

新車關係，應該未開 hubs，加上當日落雨，條呔 pump 約 120 (max 220)，所以架車點都差 d 。

會不會因為你朋友體能／技術，同埋以上因素令佢咁快爆？

egg_studio

回復 18# Homan

所謂刀鈴甚至碟鈴嘅特點係風阻低，不過當遇到強風就 PK，所以好多時你見都係響室內用。

另外特點係佢地嘅角動量比 "non-刀鈴" 大，因此起步及加速會比 "non-刀鈴" 需要多 d 能量，但同時呢個又係優點，因為角動量大，佢減速率亦會比 "non-刀鈴"少，因此容易保持 constant speed，所以適合鐵人賽呢類踩平地、直路為主的路線，及計時賽、場地賽等。

另帶出一個話題...... 鐵人車除依賴刀鈴或碟鈴嘅角動量外，車身都會比同級 road bike 重，但着重低風阻，目的係適當地增加單車重量去增加動量 (唔係角動量)，及利用低風阻去減低減速率。

假如你明白以上 Phy 道理，你應該知道點解 MT bike 唔會有刀鈴或碟鈴 ? 又或者點解響香港多數係 d 新手或香討車神先會迷信刀鈴會快過 "non-刀鈴"

至於最基本嘅條件，"朋友體能／技術" -- 單車運動始終七成人三成車，呢位人兄體能及技術當然有待改進，而我的確係搵佢笨，專登帶佢踩鹿頸，呢 d 路係大中小刀必死嘅路。

egg_studio

低過10LBS?點砌(用市面買到既件)?
小弟部S-WORKS 14.63 LBS已經好輕下,12磅都仲有機會,9磅幾真係真心求教.. ...
hongdonald 發表於 20-5-2011 03:42 PM

車神，我講緊 lb (磅)，唔係 kg (千克) 呀！我地返大陸踩車團有 d 硬架 MT bike 都係得 16 lb (仲要俾人寸係 "粗嘢"及吐口水，Garfield 兄應該知道佢班友有幾"豪邁") ，你架 14.63 road bike 我又唔覺得 "好輕下" .... 而且 10 lb 樓下嘅 road bike 好多單車鋪都有得賣，而且響大笪地好多會員都踩得起。

同埋你 "真心求教" 嘅問題及 post #17 嘅問題，我響第一個 post 已經有講，請你 "真心去睇" 咗先啦。