日本地震後的日式放題 -- MK 松屋

egg_studio

早前寫咗有關 MK 通菜街村上鐵板日本料理嘅食評，結果大笪地會員一齊去試吓，不過當晚食物質素比我之前一次去差少少。

以 MK 咁多間水位差唔多嘅日式放題，以兆萬嘅松屋水準最高。我大—大話話幫趁過松屋約五、六次，其中只有一次水準下降，其餘都十分滿意。

當日本未發生地震前，松屋基本上唔做 walk-in 客。地震發生後，香港人 (其實真係唔知係部分定大部分) 終於知道除咗某幾間每位兩三千嘅之外，大部分日式餐廳 d 食材都唔係來自日本。然而，香港人始終過唔到心理關口，搞到大部分日式餐廳大把位，連松屋都唔例外。

我當日都有 book 枱，book 5:30 pm ，得約八成滿，至埋單時先係有幾十人響門口等位。

食物方面貫徹水準，睇睇圖：



刺身新鮮 (有興趣可睇下我早前另一篇食評)，南亞冇地震，所以刺身冇乜受影響。不過，同大部分放題一樣，冇我最愛嘅油甘魚。



壽司細細件，心理上覺得食你唔飽。蝦及貝睇色澤就知冇問題，應該係本地新鮮貨。



刺身再嚟多碟。因為得兩個人關係，每次都係少少咁叫。



炸物 ok。

Homan

請問有無劍魚？價位又是什麼？

egg_studio

第一張相右邊果幾片就係劍魚，不過唔係腩肉。價位就睇唔同入座時段，所以最好睇番官網或廣告，但最好預兩舊多少少。

以任食而言，吞拿唔錯，淨係食吞拿、鮑魚及馬刀貝已值回一半票價。

hongdonald

過兩日試試..

H20

好似好好食甘喎~