|
|
登記成為會員，看更多精采內容！
您需要 登錄 才可以下載或查看，沒有賬號？登記成會員
×
一得閒就會去搵張平靚正嘅 seat 位俾架 Fairlady。翻新或者玩舊車嘅樂趣就在於你要去搵一 d 非主流或者極個人化嘅 parts 去完成真正屬於自己嘅車，而唔係買一架成車返嚟，換吓件，但最後睇落去都係果架成車，有時人地睇到仲可以講得出 model number。
本來諗住豪擲買張 Brooks ，有彈簧果隻，但真係唔捨得......而早排響旺黑見到雜嘜膠 (人造皮) 彈簧櫈又差 d 差 d ，果款梗係差少少，所以冇即時俾錢。到決定都係買時就賣咗 lu。
咁今日途經大埔，響某單車鋪發現咗兩個牌子：S.Manie 及 Selle Italia...... Selle Italia 各大小單車鋪都會有，不過見到張 FLX Brookland !! 呢個 model 甚少見單車鋪入貨！顏色及款式都襯晒下，講吓價連同兩張 S.Manie 成交。(講價：呢 d 款你擺幾年都冇人會買㗎啦) S.Manie 見另 post
上面嘅格仔紋表現出 vintage 味道，坐落去 (當然係返到屋企裝落單車後) 感覺係一張梳化。說明書報稱真皮人手縫製，2年保用，用暖水清潔之後搽 lotion，真係十足真皮梳化咁處理。
裝落單車後相片等日頭先影。
另外，呢間大埔某單車鋪入咗批 26" 顏色呔，就好似我果條 Fyxation 呔一樣，不過成條綠色。之後同老闆搭兩句，問吓有冇 700C-23 顏色有紋呔？佢話早前有幾條友嚟問過 (我冇去過呢間問)，我諗香港應該遲 d 多 d 人玩吓 fixed gear ，甚至 cyclo-cross (早兩三個星期明珠台有個體育節目一連兩個星期講 cyclo-cross) |
|
發表於 12-4-2011 22:59:17