東部華僑城走馬看花遊 (連載完畢)

egg_studio

先兩日同大笪地某會員+朋友，一行6件，到東部華僑城兩日一夜遊。

東部華僑城最出名當然係上年一個機動遊戲出咗事，搞出人命，所以有一排少咗好多人去。我去過呢個機動遊戲地點，不過呢個係第二日嘅行程，留待稍後介紹。

第一日因為要返工關係，搞到放工後先出發。經沙頭角過關後搭巴士J1線去到華僑城門口，車費兩皮，半個鐘唔駛就到。(上次惠州單車團都係用大約半小時就踩到大梅沙)



我有朋友早前去過，話華僑城好大，我亦睇過衛星圖，size 就有 Disneyworld 咁大，當然冇 Disneyworld 咁密集，不過假如佢慢慢發展，而又有心去發展，潛力不容忽視！不過，就係衰在 "有心去發展" 呢個 point 上...... 點解？話說我朋友晨咁早入咗去，玩咗半日，走馬看花遊咗其中一個 theme park -- 茶溪谷 (另外一個 theme park 叫大俠谷)，之後約埋響茶溪谷門口等，一齊食飯。

朋友反映，華僑城一夠鐘就收工，事前冇廣播，突然 theme park 清場，餐廳落閘，保留住大陸80年代初開放初期的工作風氣。而我就由華僑城門口搭接駁巴士，搭咗半個鐘先去茶溪谷門口，可見地方佔地廣闊，真係同傳聞一樣。

餐廳落閘，所以就到隔離嘅酒店開飯。酒店入面只有兩間好貴同幾貴嘅餐廳。好貴果間報稱意大利餐，不過睇睇 menu，原來只係香港茶餐廳果d焗肉醬意粉、Pizza等港式食物，但配d六百幾蚊一杯、名不經傳嘅紅酒，所以呢間餐廳target應該係國內d大款。

咁我地行過隔離間幾貴嘅餐廳，反而呢架正路好多--正常遊客區價錢嘅萬國餐。漢堡包、三文治、海南雞飯、星州炒米、港式下午茶乜都有，而且環境裝修同好貴意大利餐廳差唔多。


之後返酒店。我地租咗"火車營地" -- 含佢夠特色。酒店係由一列軟臥列車組成。我地選了雙人房，即係火車世界嘅高包。


"列車"唔多住客，可能呢d軟臥對大陸同胞唔新鮮，因為高鐵開通前佢地年年春運都會迫一次，所以呢d概念只係對我地d香港人或者外國遊客有吸引。不過，過多幾年，大陸高鐵開通晒後，呢d軟臥、高包又會成為所謂集體回憶，到時d80後會唔會又乘機搞搞震呢？唔知，不過事實係，我地應該少咗好多機會坐。





早上由車頭行去車尾。其中一位朋友係有份起青馬大橋嘅著名工程師。佢每次去旅行都會研究吓人地點樣起一樣建築物，今次都一樣唔放過。因為火車卡位於華僑城高山上，而山坡陡峭，大家都諗唔明，響工程學上，點樣搬呢列火車上山，不過最後都不禁講句，中國人想做的話，冇乜嘢係做唔到。

早餐後就開始呢日嘅行程...... 明天繼續。

willywong

除左我要夜上早走外，真的有啲山長水遠，其他设有意見

egg_studio

呢個係你簽證嘅問題，同華僑城冇乜關係.......

Homan

回復 3# egg_studio

呵呵… willy北上會有「簽証」問題？

willywong

係呀,好大隻「大人客」係回鄉咭度

egg_studio

第二天一起身就食早餐。早餐就係全中國95%酒店供應的 "酒店豐富早餐" 樣式，所以食完就走得，冇嘢好介紹。



先到隔離間 Interlaken Hotel 等接駁車 (套票唔包，$10位)，接你到另一 theme park "大俠谷" 正門。因為 theme park 開九點，所以一開始我地就搭纜車上山，原因係避開果班被機動遊戲吸引嘅同胞。

纜車座位上有安全帶，我開頭覺得奇怪？一開車，纜車行得好快，基本上係一架過山車。約四分鐘已經上到山頂 (剛才用約半小時從山頂搭接駁巴落嚟)。然後再轉另一架纜車，搭去一處深山野嶺。果度係一個火車站，可以搭火車到另一個 theme park 及酒店。





搭咗約半小時火車 -- 架車真係行得好慢，大約同快步行差唔多速度 -- 到達 "茶溪谷"。呢處主要睇風景，大部分地方為茶園，另外有 d 花園及熱帶植物園。



人工濕地對岸就係尋晚住的火車酒店。



例牌維園式花海景。

因為時間關係，花咗 $30 搭電動車遊覽，因為地方太大，唔夠時間用腳行。電動車每站停停，可以落車行完附近景點再搭另一班。




當日濃霧深鎖，遊茶園另有一番風味。

明天繼續......

Homan

什麼意思？

好大隻「大人客」係回鄉咭度

hongdonald

什麼意思？
Homan 發表於 12-4-2011 02:46 PM

簡單易明.
老虎

egg_studio

搭電動車遊茶溪谷的確係唔錯嘅選擇，因為齋行真係可以花一日。






吊橋下係一個濕地，不過平心而論，呢種內陸嘅濕地比香港常見嘅咸淡水濕地冇咁多嘢睇。生物學上嚟講，物種多樣性較小，所以 theme park 入面有幾條穿梭濕地嘅木棧道，我地只係隨意行咗兩三條。



之後到一個小鎮風貌嘅飲食區。正值中午，見有條友削得咁過癮，就入去幫趁食碗刀削麵。







一碗牛腩刀削麵、一碗炸醬刀削麵。另外響另一檔買咗兩串蒙古燒羊肉及水煎飽。



門口仲有幾檔，賣炸香蕉、春卷、重慶酸辣粉 (近幾年大陸突然好興重慶酸辣粉，真係唔知係乜政治原因) 豆腐花等等"立"雜嘢。

附近有幾個以整豆腐、炒茶、釀酒為主題嘅展館，其實係賣豆腐、茶葉、酒為主，文化保育水平唔高，走馬看花無妨。

坐完電動車遊咗一圈後，就返到尋晚食飯果間酒店 (即係好貴同幾貴嘅餐廳果度)。注意吓下面張相係官方相，而第一個 post 果張係實景，有幾大差別就視乎閣下主觀了。



咁茶溪谷就玩到呢度。之後坐番頭先架森林小火車去另一個 theme park。

明天繼續......

egg_studio

另一個 theme park 叫大俠谷。顧名思義，就係老抄美國大峽谷，特別係當中嘅玻璃底觀景台。

遊客，本帖隱藏的內容需要積分高於 5 才可瀏覽，您當前積分為 0

就咁就走馬看花咁玩咗東部華僑城，呢個 post 到此完結，請留意稍後嘅 "陽朔單車之旅"。