大棠元荃古道遊

egg_studio

星期六冇嘢做，行個 5km 小山 。呢條路線係上年十一月 Action Asia 嘅 X Trail 其中一條路線。當日見俾 d 細路仔體驗吓行山比賽。

Full album at http://photo.eggstudio.com


從大棠停車場，沿 "毅行者徑" 逆走至 T 路，左轉，慢行下山。呢一段即係大欖越野單車徑其中一段。


T 路左轉後，開始見到紅葉處處。據了解，當年政府特登引入呢種樹木，令呢度成為一處吸引遊人嘅地方。


幾個月前踩單車經過一次，當時紅葉更紅更茂盛，不過當日正值冬天下午，陽光斜照，又有另一種味道。

  
而整個大棠十幾廿年前係採泥區，成個山頭都俾人掘去，因此當年政府乜樹木都試吓種，因此大棠的山頭所見植物品種，比香港其他郊野所見為多。



落斜落多陣，響大路左邊，就會見到元荃古道嘅路口。一見呢幾碌柱，唔駛睇大笪地單車版嘅介紹，都知呢條係非法單車徑嘅出入口。至於呢條單車徑去邊？咁就唔講 lu，但記得上庭罰 $1500。

之後穿過竹林，再行上山路約半小時，就出番大棠個停車場。慢慢行全程約 1.5 小時。

Full album at http://photo.eggstudio.com