Sony Ericsson X8, X10 mini pro 小評

egg_studio

本來想買 iPhone，不過見街上、火車上、office 內都太多，所以平平地買咗部 Sony Ericsson X10 mini pro，貪佢夠細部，而且有 keyboard 。之後用了一排，老婆亦覺得 Android 系統好用，所以佢亦買咗部 X8。

X10 現價約二千頭 (行貨)、而 X8 響某電訊商連一年合約出機價約千三，另外有同事以舊機換新機方式，以約 $900 出機。

我本身用開 Mac + iPod Touch，其他 Android 機種，例如 HTC、SE X10 等一律不考慮，因為機價接近三千或以上，我一定會買 iPhone，雖然論系統，iPhone OS 同 Android 各有千秋，不過總體都係 Apple 設計及可用性最高。(自己已用 WM6, 6.5 多年，更加不會考慮 WM 及 WM7 )

不過當講緊係 2 千樓下時，Android 包就有其優勝之處。

X10 mini pro 及 X8 分別運行 Android 2.1 及 1.8。兩個系統差唔多，分別就唔響呢度詳細講。(而且 SE 官方已宣布 12 月尾前會推出 X8 upgrade 至 2.1)



X10 mini pro 優劣：

• 有 keyboard，因為我需要大量使用 email
• 細部
• 非常食電，因為長期要 online -- 這是 Android 的特色，見下文
• 只有 A-GPS，沒有衛星 GPS
• 相機可紀錄 GPS 位置，有閃燈

X8 優劣：

• Screen 比 X10 mini pro 大 (3 inch)
• 都係非常食電
• 只有 A-GPS，沒有衛星 GPS
• 相機冇自動對焦、冇 macro

相比 iPhone，Android 對於 Google 每項服務的連貫比 Apple 強 -- 每項服務都會連接到另一項 Google 的東西，但依賴 Internet 的程度十分高。簡單 d 講，如果唔用上網 plan， Android 冇乜特別用途。Android 需要隨時 online 連接 Google 的服務，先可以 "用盡" 呢個系統，例如 Android 本身不會有 word processing 程式，因為佢預你用 Google Docs；電話 contact 就預你用 Google Contact (or Gmail's contact) ，繼而用 Google Map 及 Latitude (可以從 contact list 知 d friend 依家響邊，及響邊度影過張乜嘢相...) ； Browser 就可以同 Chrome 同步等等。假如冇用開 Google 產品，雖然一樣可以用其他 apps，但會浪費咗呢個系統。

至於 apps 方面，數量比 Apple Apps Store 少好多，而且都係一 d 十分實用的，例如股票、搵車搭等等，缺乏一 d 玩味性重嘅 apps。

穩定性方面，暫時用咗兩個星期，只有一次因為上唔到網而要 restart。另外，當開咗太多 application 時，有電話就會反應遲頓。後來知道，Android 的 "特色" 係唔可以 quit 任何 application。系統會用盡所有 resource 去 keep 住你開咗嘅 application ，直至 resource 用盡，佢先會自動 quit 某一 d application (可以download apps 自動/手動 kill application，但 Android 唔建議咁做)

總結，論系統，Android 可比得上 iPhone，但 Android 機價有平有貴。個人認為，假如願意俾4、5千， iPhone 係唯一之選。但平機嚟講 (一部等於三部)，X10 mini pro 及 X8 就十分抵玩。

hongdonald

It should be android os  1.6 there are a lot of differences between 1.6 and 2.1

egg_studio

對，我打錯，X8 行 1.6，不過實際上功能方面差別唔大，只係某少部分 apps 及 Live Wallpaper 唔 support ，

實際上我兩部機在手，1.6 及 2.1 應用上差別唔大。

Homan

Android 係要手機廠方去update的？不可自行update?

hongdonald

nope,you can make updates by root the machine.

Homan

M記出左部3防 Android 手機，3千左右… 好似幾o岩戶外活動人仕啵…

egg_studio

回復 4# Homan

兩樣都得，不過最安全當然係用手機牌子官方 update，否則有可能會變磚頭機。

hongdonald

回復  Homan

兩樣都得，不過最安全當然係用手機牌子官方 update，否則有可能會變磚頭機。 ...
egg_studio 發表於 9-12-2010 11:42 PM

機會細到無倫，xdaforum個邊有好多現成既rom.
基本上step by step無咩甩流..

hongdonald

講抵呢部有部orange san francisco好抵玩
係由大陸電訊巨頭中興(ZTE)出既,大約只係hkd 1k就有2.1玩..

egg_studio

回復 8# hongdonald

唔好害人啦，係咪大笪地 d 讀者部機變磚頭你負責嗎？xda 上面有 rom 有問題係機會細到無倫？你去 xda 入面個 forum 虛心 d 睇吓啦。

xda developers website 上嘅 rom 係 for developer ，唔係 end-user 用㗎。

hongdonald

大笪地應該吾多近g派，你root過未先？70後：）
食飯都會梗親ga飲可樂仲會生癌。
正正係原本既程序太複雜，developer已經將步驟簡化至click幾下就root到，而且仲不斷更新緊（froyo)。
記住剩係好係market download apps好啦，千萬吾好經電腦down apps過機，十秒後差人叔叔會按你門鍾請你番差館ga

hongdonald

老友，多d研究下自己部機,佢吾係剩係比你聽歌睇戲上笪地。
正正係因為d user咁乖，呢兩大巨頭咪搵大錢law,基本上好多野係hardware support,只係廠商封鎖，係下一個update再release 出來引人買佢地d機。好多時只係將條lock thread改一改，由0變1就得，好好認真研究下自己部机，你有個好朋友叫google呀。

hongdonald

再舉一個例子，09年出既wm機王HD2,1ghz cpu,384mb ram,跟現時主流機既規格相差無幾，如此強既規格，正正使用一個比人放棄既wm系統，到10年頭,有外國玩家成功flash到機械人系統入去，由最開波既beta rom連電話都打吾到（亦都如你所說，root磚左好q多部），再慢慢由用到wifi,入到market到今時今曰既99% functioned 2.2rom.當中人地係過程中花費既人力物力，為呢部電話作出既進步，虛心咁感謝同保持中立態度，而吾係第一個反應係root機好大机會變磚機，掉得出街啦。
再轉一轉話題，jb打正旗號合法，但一樣係apple吾認可既＂改機＂方法，亦都有機會變磚，咁閣下係吾係要去各大forum到人講＂千析吾好jb呀，有機會成世白蘋果＂

egg_studio

80 後，我幾年前已經響 xda "玩"緊佢 d 嘅 rom 啦，你果陣應該仲未中學畢業~~ 直至最近仲玩緊佢果 d WM6.5 rom。駛唔駛講你知響邊度有得 download Android 2.2 呢？當年未有 Google 時，你識唔識邊個條你 "好朋友" 呢？

對一位 end user 嚟講，例如我，點解要用時間及精神去研究點樣 root 部電話？對於我，只要我得到需要嘅功能，而官網又提供到 update 給我，我就覺得 ok

重要嘅係，我唔 root 自己部電話唔表示我唔識 -- 而且我比你知多一d 嘢，就係風險同責任。

你每日搭巴士、地鐵，你有冇對巴士、地鐵的機械及電子結構有幾多認識？如果有，點解你會有？如果冇，點解你唔 "多d研究下自己搭果架巴士、地鐵,佢吾係剩係比你聽搭車返學。" -- 我響汽車方面嘅認識斷估都高過你，但我唔會寸 d 唔識汽車原理嘅人，唔會響架巴士度寸 "多d研究架巴士先好嚟搭"、或者 "冇讀過藝術唔去嚟美術館"

我知你好叻，master 讀電腦，不過呢個正係你睇嘢嘅盲點，你忽視咗大部分用電話嘅人嘅需要；唔係一定要對電話 / Android 有深入了解或者識 root 機先可以用 -- "聽歌睇戲上笪地" 已經對大部分人足夠。你將來如果做番電腦 / 寫 program 呢行，假如寫一個 software / game, 你駛唔駛要求 user 一樣要識寫 program 先可以玩？一個成功嘅 software，就係要俾唔識嘅人都可以上到手 -- iPhone 成功，就係因為佢照顧到大部分嘅需要。你問吓用 iPhone 嘅人，iPhone 嘅 hardware 係乜乜 config？睇吓有幾多人答到你？你唔需要識 JB ，一樣可以 download apps 同使用 iPhone 去上網、玩 game、打電話。當然你識 JB 就玩多少少嘢，但唔去 JB 或唔識唔係錯。Android 我覺得好，因為佢嘅功能 (1.6 and 2.1, 2.2) 已經切合我需要，價錢平，我比 90 分，我唔 root 部機上 2.2 我都會比 90 分。

而且我回覆你之前個 post 嘅原因係上面嘅 "風險同責任" -- 如果呢度真係有會員因為信咗你講嘅嘢，用咗 d rom 搞到磚頭機，係咪你負責呢？如果係，我會十分支持你出多 d post 教我地呢班冇讀過書、電腦、食飯都會梗親ga飲可樂仲會生癌嘅 70 後點樣 root / cook rom 等等，去多d研究下自己部機,讓部機吾係剩係比我地聽歌睇戲上笪地。(但其實我部機多數用嚟打電話及 SMS)

egg_studio

回復 13# hongdonald

你講得啱，正係我知道 JB 嘅壞處，我會同人講 "千析吾好jb呀，有機會成世白蘋果＂。不過，如果人地聽完後都覺得可以承受呢個風險，我當然唔可以禁止人地咁做。問題係，當人地唔知 JB 有風險，你知道有風險，但仍去鼓吹人地咁做，係你有問題。

你冇講出 root 機嘅風險 (可能你自己都唔知)，就寸人地唔去 root / 唔識 root，咁你個人嘅操守及道德就有 d 問題。

你所舉嘅 HD2.1例子，假如我係一個買部電話嚟用嘅人，係唔係應該好虛心咁等成年去等 d 有心人完成個 rom 先用呢？我明白你嘅諗法，不過你始終睇唔到自己嘅盲點。我用另一個例子，希望你明白自己睇唔到 d 乜嘢：我依家有部新電話 X10 mini pro, 我日常用佢嚟打電話；而我部舊電話 (Asus P527 及 Motorla A1000) 就用嚟裝一 d 你以為得你識，其實你讀緊小學時我就已經用緊嘅 customized rom** , 試緊響部 P527 行 WM7 。點解唔用 X10? 因為有乜問題我就連電話都冇得用，而且磚頭咗時保養唔 cover，要 root 我都等買咗下一部電話先。

**(你讀緊小學時，我應該用緊部 lock 咗嘅 T28i，響美國 AT&T 出機之後從一 d 你應該唔識 "好朋友" (當年好似未有 Google) flash 做中文 OS...... )

呢個 post，原意係介紹 2 部新電話，又有人響度 off topic. 如果你要賣弄自己識 root 機 或 寸人唔識 root 機，請另開新 post，不過當有人出事，希望有人會出嚟負責番。

Homan

其實forum的有趣地方就是大家可以無阻隔地share自己的觀點。
當中的對錯是非，除了要看事實的之外，亦要看大家的觀點陳述方式。
我正正就係eggstudio講的一類人，會上網找朋友（google）來看jailbreak等資料
但其實對呢D野都係一知半解…

anyway，大家都係對件事，我亦以版主身份希望大家「對事不對人」。
最忌就係無果句講果句，砌生豬肉，樹立假稻草人來攻擊…
無聊罵戰就係咁開始！亦都係大家人格修維及EQ的表現。