真正特盛的特盛魚生飯

egg_studio

上次試完沙田百瀧嘅魚生飯，雖然唔貴，但比唔到付出嘅價錢應有嘅嘢。(http://www.photomarket.hk/viewthread.php?tid=2950&extra=page%3D1)

早一兩年發現有間響旺角，價錢 ok，質量一流嘅日式餐廳仔 "味‧壽司"，做嘅魚生飯可以冠以 "特盛" 呢個字。我當時因為工作關係，每星期都會去食一次。不過上年中開始，呢間餐廳 d 水準突然下降，所做嘅魚生飯泊得住百瀧，所以我之後都冇去。

直至約兩個月前，有朋友話佢地呢排正常番，咁就俾多次機會佢，發現 d 食物回復水準。但一次唔作準，所以冇介紹。上星期去多次，食物回復水準，特盛魚生飯直係 "特盛"，所以推介俾大家。

同其他日式餐廳 / 日本料理比較，呢間賣嘅係魚生粒飯，而非魚生飯。據日本窮朋友報稱，響日本呢個幾窮嘅國家，同中國一樣，好多時 d 食物都物盡其用，地道嘅魚生飯應該係魚生粒，用嘅係將做壽司及刺身用剩嘅頭頭尾尾，所以應該乜都有 d ，而每個季節所食到嘅魚生飯都應該有 d 唔同。

呢個飯，有 cheap cheap 三文魚、三文魚子、吞拿、醋鯖魚、油甘魚、帶子、蛋、只係 $45，仲要有碟螺肉送。

2933

嘩 係真唔係,今晚經旺角要試

Homan

好似幾抵食…

Homan

而家在店內，即管試試！

Homan

今晚試左特盛魚生飯、劍魚刺身、海膽壽司、腐皮壽司、燒鯖魚、鍋燒烏東… 共盛惠＄256
魚生飯都算新鮮，味道OK；劍魚沒有雪到硬的感覺；海膽有驚喜，甜而不腥；燒鯖魚就乾身左少少；鍋燒烏東則一般…
整體來說，這樣的價錢，絕對交足功課！
（我地個特盛魚生飯無送螺肉…）

nangkipo

值得一試