弼街 <麵一> 一次便足夠

egg_studio

早排見弼街及花園行交界開咗間日本 / 日式拉麵 <麵一>，開果排見人頭湧湧，無意同人迫。今晚行過見冇乜人，就入去試試。

價錢屬中低價，我點了醬油帶子拉麵 ($48)，太太要了珍寶雜錦白湯拉麵 ($48)，另外 side order 雞蛋沙律 ($6) 及特選餃子 ($28)。

拉麵上枱，相頭 ok，一口湯，十分清淡，沒有醬油香味，色澤亦略淺。我習慣每次試新拉麵鋪，一定試醬油拉麵，因為醬油做不好，其他的湯底不會好得去邊。跟埋一隻所謂 "溫泉蛋" -- 當然唔係響溫泉煮 -- 根據太太所講， "溫泉蛋" 只係一種煮法，其實就係我地細個果 d 生熟蛋。至於真正 "溫泉蛋" 有乜唔同，當然要返大陸試吓。用溫泉水 (含高礦物質嘅水) 煮出嚟一食落口就知有乜分別。(至於點解唔係日本，而係大陸，就自己諗吓~~)

珍寶雜錦白湯拉麵嘅所謂白湯，只係淡而無味嘅豬骨湯。雜錦有帶子、一小片豬腩肉、兩隻小蝦、菜。以 $48 可算 ok。

雞蛋沙律 ok。至於果個 "特選餃子" 就真係 XXX ，響超終市場廿幾蚊買盒雪藏餃子返屋企亂咁整都好食過佢嘅 "特選餃子" 。

總結係，一次便足夠，唔駛有下次。

hongdonald

有機會試試李兄樓下個間達磨.
湯好濃好香豬骨味,不過價錢對我來講貴左D(58~78,飲品18蚊起),份量唔太夠

egg_studio

$58~78 如果都話貴咁不如買出前一丁...... 以正路日本拉麵嚟講 $100 樓下一 d 唔貴。銅鑼灣有一間叫 "八番拉麵" ，都係呢個價錢，但完全係 $150 級數，你可以去試下。醬油固然好，不過 "八番" 連鹽湯都做得好先利害。

記得唔好貪豬骨湯夠濃，醬油做得好先係真功夫。

不過響粉嶺一間叫爵士嘅拉麵店，絕不是港式，但港式價錢，係一個日本家庭開。呢間係暫時我食過最好嘅日本拉麵 (To Hawaiiandaily : 呢間好食過你鄉下果間 "天 X 一品"，我地可以去一試)。間嘢得幾個位，先俾錢後落單，而且得叉燒拉麵 (醬油底) 一個選擇，side order 得餃子一種 (同 "天 X 一品" 一樣)。

我下次去開會寫個食評。

hongdonald

補相,8番係唔係地底個間?

egg_studio

開過另一個 post 啦