新手購車疑問

ricky520 · 發表於 7-9-2010 01:12:18

登記成為會員，看更多精采內容！

您需要登錄才可以下載或查看，沒有賬號？登記成會員

×

本人是一個單車新手中的新手!平均一年先去大圍租一次單車踩!
自己都中意踩單車,只係平時係市區冇咩機會,身邊又冇咩人中意踩(動力大減),
自上之前係電視睇到原來香港單車業好活躍,好多人閉時(夜晚)都會去踩.而遲下自己又會搬入天水圍
所來都會買架車(單車)希望平時可以踩下,夜晚又可以跟下隊就好啦! 不過係上網睇香港d單車比較大陸果d(同一牌子型號)都幾貴下,係阿里巴巴網上見到一d車係香港既三分一價錢,
唔知有冇邊位師兄有係國內網上購買過單車架呢?會唔會好多假野?好易比人呃?
有冇d咩要特別注意既野可以教下我呢?

willywong · 發表於 7-9-2010 12:17:47

其實香港都有平單車賣，依家人仔貴，又要隔山打牛，又怕假野，日驚夜驚。你去單車鋪睇吓先啦

至於有冇d咩要特別注意,就係睇吓想踩咩車? Mountain bike , road bike, 摺疊車.....

c_Foo · 發表於 7-9-2010 13:25:49

鎖定目標買邊款車再重點研究喇, 況且第一架車之後就好快會換

egg_studio · 發表於 7-9-2010 21:40:37

雖然大陸話點平點平，除非你好熟行情，否則除時埋單貴過響香港買。

香港買車信心大 d ，而且有乜事都有保養。

alexphoto · 發表於 8-9-2010 13:27:25

首先歡迎Ricky兄加入, 我半年前都同你一樣,從一個新手到現在對單車有少少認識,而長遠更覺這玩意有很大商機,相信你也在電視看到了。之於買單車,尤其是第輛單車, 千其不要急, 當初有朋友上深圳買摺車, 雖然平,但最終都換了大車,若果你一開始就清楚買單車的目的就能決定買什麼類型的車, 如買Road bike, Mountain bike就一定在香港買, 有相熟的單車店能建立起關係就最好, 日後買東西或保讓也能打個折頭。

ricky520 · 發表於 9-9-2010 01:07:35

本帖最後由 ricky520 於 9-9-2010 01:09 AM 編輯

我買車係打算用黎踩街(閒時)/單車徑及公路(放假)當做運動,長遠亦希望可以將佢變成自己既興趣.由於地方有限諗住買架摺車放便d,又可以乘坐公共交通工具(巴士/港鐵).如果係香港買,有冇邊d店舖信譽比較好同實惠一d架呢?有冇邊款車介紹呢?

willywong · 發表於 9-9-2010 12:27:54

香港摺車較普遍牌子有 Solar, Dahon, Giant, Birdy等。價錢由千幾至萬幾都有。
有冇邊d店舖信譽好? 我不便在此提供,自己在大笪地單車世界search吓各大單車店地址, Good luck and happy riding!

ricky520 · 發表於 9-9-2010 22:31:53

本帖最後由 ricky520 於 9-9-2010 10:47 PM 編輯

請問各位Dahon Boardwalk 7 / Dahon ht060 /dahon KA061 尼三款邊架性能比較好? 邊架最貴 / 最平呢? 新手入尼三款既邊一款比較岩?

賬號		自動登錄	找回密碼
密碼			登記成會員