沙田百瀧食評

egg_studio

響新城市廣場嘅百瀧，我成日經過，不過每次都人頭湧湧。


有日終於見門口冇人，入內一試。


百瀧做得好雜，有扒、薄餅、刺身、日式鍋飯、意大利飯、意粉等。感覺上好似西餐廳，但又加咗少少日式嘅元素，例如日式蒸餾咖啡、日式奶茶等。結果外表就幾 “西化”，不過內裡就 100% “新派港式”。


我叫咗個雜錦剌身飯，上枱時完全唔雜錦，只有三文魚、油甘魚、海膽魷魚。香港有好多地方做嘅 “雜錦剌身飯” / “雜錦魚生飯” 真係好 “雜錦” ，百瀧呢個外觀上就唔合格。三文魚 ok -- 響香港食三文魚有個特色，就係無論你比幾多錢，就算去 X 車屋，你都食唔到好嘢，但又唔會食到差嘢。而且魚生飯一般一定要有三文魚。以前響旺角有間日式料理 (不是日本料理) 有供應冇三文魚嘅魚生飯，可惜執咗笠，真係天妒天才。油甘魚唔油，不過新鮮。一個 $110 嘅魚生飯，仲要響大商場，我體諒到冇可能比到稍為上等嘅油甘魚，只要新鮮就收貨。


我唔鍾意三文魚剌身，但煙咗就好食。不過煙三文魚薄餅就比較淡口，如果唔知，會以為係雞肉 pizza。


沙律有兩份：燒牛肉沙律就十分好食；帶子沙律都不錯，不過就細粒咗 d 。


餐飲凍日式奶茶。西餐廳格局，糖漿分開上。一睇杯奶茶，彷彿有 d 透明？未飲就見到好稀，加晒全部糖漿，飲落都係好稀，似以前 d 茶餐廳 d 凍奶水。


總括呢講，價錢唔算貴，食物走新派高級路線，但內涵欠奉。二百零三百蚊埋單唔會後悔，但食完冇衝動下次再去。

Homan

聽完你講，無乜衝動…
大家有無邊日閒日下午lunch有時間？
一齊去紅磡食日本爐端燒放題… 不過幾貴，三舊水一位啵～

hongdonald

係唔係酒店個間ROBATAYAKI?
300落唔到樓,一位$310再加一
我食過,佢個抽風做得好好,出到來一D 油煙味都冇
食物多選擇，好FRESH,師父燒好D野食會用長木條拎比你，不過個次食完生"飛滋"

egg_studio

三舊水一位都幾平吓，不過對日式燒冇乜興趣，下次有機會去試巴西燒烤，我試過三、四次，可以推介比你地。

不過幾個月前食過間千二蚊一位嘅 XX 燒，食緊果陣已經 X 晒 X，食完總結就係 XX (XX 係粗口)，有興趣我可以出 post (但冇影相)

hongdonald

EGG_STUDIO兄果然有米,3xx都話幾平下,tst 某類似既放題燒魂就平好多,百幾蚊,小弟未試過不過風評麻麻。
不過你食開既價錢個range好闊.上至千幾蚊話唔好食,下至唔使一百既巴西燒烤話正~
巴西燒烤唔係話唔好食既,不過都係塞飽你個d野食law..

Homan

回覆 5# hongdonald

咁又唔係淨係睇價錢嘅～
有時十幾蚊個車仔麵都可以KO過百蚊的意大利粉…
anyway啦，小弟好久好久以前去過尖咀巴西燒烤，又唔覺有乜好食啵。

btw, eggstudio兄的文章最近好多中文別字啵…

egg_studio

有時價錢同質素唔可以掛鈎，香港有好多又平有靚嘅地方，如果下都諗住貴 d 先好食 d ，咁會 miss 咗好多好嘢。

我講果個巴西燒烤唔係 "唔使一百" (??)，你係咪指 TST Brazil XXXXX ?? 連 "時薪 $70 網站" 都話唔掂的話應該都好大鑊 ...... 邊度有 ok 嘅百零蚊巴西燒烤介紹下?? (我講緊果間隻係有個 waitress 逐件幫你燒，你揸住 2 個牌仔果種，價錢就唔止百零蚊)

十幾蚊個車仔麵都可以KO過百蚊的意大利粉

<-- 呢個同意，粉麵嘅嘢，點都係中國人整得好 d

19690502

原本想試下.e家都唔使啦

Homan

回復 8# 19690502

市面大把選擇，如果有會友試過唔好食，POST出來比大家做個參考呀...