有景轟 iphone 廣告-- 請會員小心

egg_studio

近排大笪地有幾個關於 "答問題攞 iPhone4 or 3GS" 嘅廣告。果個廣告係 Google Adsense 派比我地，當我 check 吓呢間公司 website 時及細閱 d 細字時，發現所謂 "答問題" 係要入你手機號碼，然後收到 confirm number, 之後呢間公司會得閒就 SMS d 資訊比你，每個收 HK$5，而當你早前 reply 個confirm number 時就當咗你同意咗以上條款。接收上限係每月 300 個 (=HK$1500)。你要係每月答得最多問題果條傻仔先會有部 iPhone

回答問題本公司不另外收費，個別流動電話營運商將收取每條信息傳送費用hkd0.5-1。

問題內容並不一定只相關於獎品，或者涉及其他潮流產品。答中最多問題或得分最高者將免費獲得獎品一份。用戶首次登記及每星期將有一個問答遊戲問題、一周積分排行及每周科技資訊小貼士之短訊發送給用戶，用戶收取每個短訊為HKD5(包括問答遊戲的問題訊息收費)，費用將於閣下之手機賬單中結算。每月上限300條收費問題。

所以我已經同 Google 反映咗，及立刻 block 咗呢間公司嘅廣告。不過呢間公司用多於一個 URL 做 website, 暫時無辦法 block 得晒，所以請各位會員留意留意 -- 你見到呢類廣告，按入去，咁大笪地有錢收，但你千祈唔好入個電話。

當然，如果你有仇人想玩佢，你可以入佢個 tel number 到呢間公司，等佢唔覺意答問題啦。

c_Foo

OK 明哂, 第一時間入李版主電話過佢

hongdonald

小弟用緊35蚊plan,之前send得多sms過第二d 台都係交50蚊到,今期要交82蚊,唔知係唔係比人尋仇!

Homan

c_Foo 發表於 22-7-2010 03:24 PM
OK 明哂, 第一時間入李版主電話過佢

唔怪得我電話費上年貴左成千蚊

同埋無端端有人同我講我中左部iPhone啦！

等我仲以為呃人無要到部iPhone