放全套SRAM RED車件

hongdonald

包括槍手/前後c brake,波撥/餅(53-39)/波腳/飛輪(11-23)/鏈
全套件9成半新(只係槍手有極少花),一個月前購於香港SRAM 總代理,有單
SRAM RED係SRAM 公路套件中最高級既系列,使用double tap呢種全新技術,轉波快痕準!
詳情請接呢度
(不連相中車架/stem/handle bar/seatpost/saddle)
誠放7.5k
有意請PM/電95019074

willywong

嘩，Red都唔夠玩，要轉件? 莫非轉電變! 利害, 利害

alexphoto

咁放響我倉果架白色RB係咪唔要喇? 係就多謝先!

egg_studio

7千5唔包前餅架??而且，如果真係唔包前餅，7千5咪仲貴過全新？ (響單車鋪一般賣公價八五至七五折，除非響代理買唔比折頭你)...

hongdonald

7千5唔包前餅架??而且，如果真係唔包前餅，7千5咪仲貴過全新？ (響單車鋪一般賣公價八五至七五折，除非響代 ...
egg_studio 發表於 7-7-2010 07:21 PM

代理都有折的..
我相信就算唔連餅,唔經特別方法(即係係一般單車店買/只買一套),你都幾難7.5K到買全新..
另外,已證實係2010 SRAM RED產品,其實10年RED件早係09年尾有售..
CRC 一早有

egg_studio

代理都會有折，但一般都唔會比零售多，因為代理要保障零售嘅生意額。單車呢行同手表都差唔多 -- 以下內容有閱讀權限，因為唔適宜公開講，因為有關鋪頭報稱呢 d 折頭淨係做熟客，如果人人都比就唔得掂 + 比代理、同行投訴。

遊客，本帖隱藏的內容需要積分高於 200 才可瀏覽，您當前積分為 0

2010 年 Red 香港至少至今年 3 月 (即係我買我個 CAAD9 架時) 都未有：因為當時我連 Red crank 一齊訂，而代理只係報價但未返貨，所以最後先會買 DuraAce。

此外，究竟連唔連前餅？你打比我時話應該有，依家又 "暗示" 唔連餅...... 我都明白你希望幫你個 friend 早 d 甩咗佢，但你都講清楚包乜先啦。唔連前餅真係唔駛 7.5k (對於我)

c_Foo

一句講哂係咪一套八件齊料, 包括搶手, C BRAKE, 前餅, 波撥, 飛輪, 波腳, BB, 鏈.

但見字間同相有少少混淆, 冇講連 BB.

hongdonald

連餅/BB,總之加個架同兩個轆就踩得,FULL SET SRAM RED件
我都係幫朋友放,絕對唔係hard sell,因之前受人恩惠,所以先幫佢放,而大家唔洗再討論價錢問題,網上交易,明碼實價,本人亦唔鐘意人地討論賣家既賣價係平定貴,你話知我放10萬又好,1蚊都好.只要你有興趣就聯絡我已經ok.我朋友係以一個普通人身份走入代理買,代理有比折佢,價錢亦清清楚楚寫明係單上,呢度係交易區,唔係貴價零件討論區,大家亦唔需要眼紅人地用咩件,咩軨,單車都係一個人兩個軨,無分別的,有意買既人歡迎pm/打比我.

另外,sram red 2010件早係09年底已經係crc開賣,代理亦係3月有貨.
少少建議,交易區可唔可不設回復,如果買家/賣家有問題請直接以pm/電話聯絡..

hongdonald

Sold to a nice ching from VIGOR

egg_studio

交易區可唔可不設回復,如果買家/賣家有問題請直接以pm/電話聯絡.
hongdonald 發表於 8-7-2010 11:01 AM

我個人唔應同呢種做法，原因係響一個公開公平嘅買賣平台，冇理由唔可以讓會員 / 有興趣買家詢問貨物嘅資料，假如會員唔希望佢嘅問題比其他人睇到，佢有權選擇使的用 PM，而你亦可以註明請會員使用 PM 聯絡及 / 或不要公開問題及查詢。

但注意，大笪地容許會員參與交易，包括講價、查詢貨物資料、市價係幾多、 condition 等，令買賣過程增加交易透明度，最終保障買賣雙方。講得白 d ，希望大家賣得好價錢，買方買得抵，大家開心。

而唔可以公開電話及 email 係保障會員私隱，請 search 舊 post，我早前已有解釋。 所以請勿再三公開你電話號碼，否則必定扣分。請體諒呢個係保障你嘅私隱，並非針對你，但希望你合作。

就你賣套 Red 作例子，起初你唔寫 "包前餅" 或 "講漏包埋前餅"，假如有會員以為你賣 "全套"，到時冇咗前餅，到交收時有爭議，咁大家都唔開心。 呢個係以你今次賣嘢嘅 case 作例子，並非話你有問題或針對你，而事實係你起初寫漏好多資料，例如 "前餅" 包唔包、飛輪齒數、"比" 長等，呢 d 一般有踩單車經驗嘅都會注意。

咁容許會員回覆查問不正令交易清晰，及保障了閣下及買方嗎？

egg_studio

上面係我以管理員身份回覆你。以下係以朋友身分回覆你：

首先我睇晒整個 post, 冇發現有人眼紅人地，講真，你識我地我識你，大家心裏有數，我地點駛眼紅你呢？

此外，你個零月前你仲好勞氣咁回應大家：

咁係唔係代表新手唔可以著環法衫?係唔係新手唔可以買歐洲單車?咩都怕比人笑?我第一次見踩單車咁既帶helmet 仲想笑(even 到呢一刻我都係覺得d helmet 好樣衰,就算係個d 咩giro流線型都係咁話),問題係一樣野要用到就要用,佢有佢既功用,理佢樣唔樣衰.我著單車衫就因為我想係更用利既條件下踩車,點解你唔著背心 undee去踩車既?

咁你今日似乎明白

大家亦唔需要眼紅人地用咩件,咩軨,單車都係一個人兩個軨,無分別的,

，我作為你朋友，希望你真係明白自己做緊乜嘢。呢度都有朋友私下同我講， "算啦，細路仔唔識嘢"、"由佢出到社會撞下板......"之類說話，所以我都唔回應你，不過前幾日有人同我講開你幫 friend 甩套 Red 事件，所以今晚專登上嚟覆番呢個 post。我覺得作為朋友，有責任提醒你做人處事嘅態度，特別係響網上面，有人寸寸貢，仲留埋個電話響度，有電話就查到你響邊度住 (你想知點查我下次話你知) ，蝕底唔通係我？