陳年遊記 -- 尼泊爾珠穆朗瑪 Base Camp 之旅

egg_studio

因有朋友會去尼泊爾行山，想我 scan 番 d 陳年遊記相。反正都 scan 咗，所以 upload 上嚟分享下。

早前都有朋友去完，傾過吓比較吓後，發現洗費、設施都冇乜變，但入山嘅限制大咗。

此相集只記錄由加德滿都至珠穆朗瑪 Base Camp 之精選相片 + 簡單介紹。


未到尼泊爾前，先到孟加拉首都達卡走咗轉 -- 好窮好污髒。


酒店窗外望出去。


尼泊爾加德滿都 -- 遊客必到嘅 Durbar Square


從加德滿都出發，搭巴士到珠穆朗瑪登山路線嘅入口城鎮 Jiri 。途中經過的不知名市鎮。 (留意我係坐響車頂)


珠穆朗瑪登山路線起點 Jiri 。Jiri 只有一條大街，左右所見都是旅店。從這裏開始至珠穆朗瑪 Base Camp 需走 14 天。


離 Jiri 一日行程之 Bhandar 。整條行山徑大部分時間都係沿呢條河而行，而河的源頭就係雪山上融嘅雪。


Bhandar 住的旅店，後面果兩條友就係當年嘅隊友 (日本人及澳洲人)。而紫色果件就係毅行者 2009 件又輕又擋風嘅外套。

  
山入面 d 小童。唔好以為佢地好純真，因為呢條登山路線係十分熱門，佢地見外國人多過本地人。



因為沿河行，所以頭七日不斷經過呢類 "每次只可一人" 嘅吊橋。


約七日後，抵達登山路線嘅檢查站。響呢度必須出示登山証 (預先響加德滿都申請，冇得 walk-in，冇証就回頭行番七日啦。) ，正式進入珠穆朗瑪國家公園。


第一次停留 -- 為適應高原環境，大部分人會響呢度 Namche Bazar 停留一至兩日。Namche Bazar 為登山路線中最大村落，有大量旅店、紀念品店、銀行 (冇 ATM) 、郵局、酒吧等 (但酒、汽水等物資響山上非常貴，計番要 US$10 一支可樂。)


Namche Bazar 後，抵達 Tengboche 。相中係 Tengboche 的旅店。之後行程由於地勢過高，其實已經冇乜村民住，所以見到嘅屋多數係旅店，但數量相對少，所以已經好難有單 / 雙人房，而係要逼大房。


Gorak Shep -- 呢度已經五千幾米高，響呢度作第三次停留。停留時除咗睇住個珠穆朗瑪群山外，完全冇嘢做。


結咗冰嘅河。


呢度係第 14 日，響到達 Base Camp 前，前路發生雪崩，行快兩步就命都冇。


Base Camp -- 珠穆朗瑪峰就響面前。


回程就唔行 14 日。響 Base Camp 行番 5 日，到 Lukla (另一大村落)，有飛機返回加德滿都。


所謂機場，其實只係一片平坦嘅泥地。冇飛機升降時，任何人，包括牛隻及家禽都可以自由散步。

整個登山之旅共 21 天。如果唔搭飛機就加多七日。

c_Foo

圖片說故事，正!

Homan

去到用咩語言溝通的呢？

egg_studio

我一向都鍾意相片+遊記，因為齋睇相就算幾靚其實都冇乜意思。

語言就英文通行，因為尼泊爾人返學要讀英文的，而且佢地好着重做遊客生意。