朗豪坊 Cooper Bikes 單車及汽車展

egg_studio

睇資料應該得 5 部單車，係 Cooper 廠 (幕後係咪寶馬就唔知) 掛羊頭賣 3 6  sell 車，不過行開不妨去睇下。

20/5 至 4/6 朗豪坊

我反而對入架 mini 有 d 興趣。

hongdonald

米王!
經過上次海港城既X洋李老闆私人廣告SHOW,小弟已對呢種EXPO 絕望~

c_Foo

絕望?!

人地肯出錢出力推動單車文化, 起碼比香港人知道單車可以係種文化係種態度, 唔係唸起單車就係街車党, 其實你都係受害者之一.

推動一種文化係要一群有心人, 金錢及時間來推動, 想當年踢波咪令人聯想到波牛, 落街場踢波比人踢入會等閒事(唔好諗住南華會愉園會, 好波唔到你, 黑社會一定有你份), 其後可口可樂聯同體院推動足球訓練計劃, 阿媽見到我踢波都開心哂, 遂步地足球文化提高不少, 至少家長們覺得今日比自己仔女去踢足球係一種有益運動, 訓練鬥志及學習群體精神(雖然香港足運停滯不前).

用新賞的眼光對待, 負面就成為自己的經驗.

hongdonald

問題係唔應該帶有商業成份,點解要show 埋x洋個名出來先?

另外,家長唔鐘意細路玩運動不無道理,做運動員,你屋企人叫肚餓你夠米填飽佢嗎?
唔係諗咁理想,事實香港就係一個咁既社會,有d野你改變唔到就只可以接受
香港既父母會認為比仔女踩單車踩到3~4點佢地會接受嗎?無錯,夜晚就係多黑社會,多飛仔,有危險

你個人大可以去推廣夜晚踩車係一樣有益身心既活動,不過我會用呢份心力去做更多香港人每日朝8晚8做梗既事!

Homan

問題係點解“唔應該”帶有商業成份,點解唔可以show 埋x洋個名出來先?
無商業參與，世界回到大鑊飯人民公社的年代，是大家真心希望的嘛？

hongdonald

xxfam 突然同你講其實佢係sxno做後台,攪呢個十一月底既event其實係宣傳sxno既樓,你會點諗啊?

Homan

咁就睇佢地係「擺明車馬」定係「暗度陳倉」啦！

egg_studio

show 個名出黎冇問題喎，難道做 sponsor 唔出個名??

"xxfam 突然同你講其實佢係sxno做後台,攪呢個十一月底既event其實係宣傳sxno既樓,你會點諗啊?" <-- 如果 Sxno (其實我唔知你講緊乜，估係某間地產發展商) ，咁有乜問題呢？我嘅問題係唔明你點解覺得有問題? (可能我讀得書少，又冇乜響社會上打滾過、又唔知 d 基本商業運作、又唔玩運動、又唔識用藝術角度去詮釋社會、用商業角度又唔識......唉，我早知當年讀多 d 書，做個醒目嘅 80 後啦)

Homan

其實近8屆"XXfam"每年十一月的event, 都係由一個叫“State Street”的商業機構贊助呢！

hongdonald

show 個名出黎冇問題喎，難道做 sponsor 唔出個名??

"xxfam 突然同你講其實佢係sxno做後台,攪呢個十一月底 ...
egg_studio 發表於 21-5-2010 01:00 AM

閣下既言行極具挑釁性
另外,你去睇過個個expo未?
我想彈番比你:"做人要厚道"
以事論事,做咩人生攻擊?

Homan

回覆 10# hongdonald

我又唔覺… 起碼都係以「理」行先～

c_Foo

做人做事，我相信一樣野，角式反轉亦講得通既便是道理，正所謂＂泥水佬做門檻，過得人過得自己！＂如果你係X洋老闆拎錢出嚟，你會隻字不提公司名嗎？

hongdonald

做人做事，我相信一樣野，角式反轉亦講得通既便是道理，正所謂＂泥水佬做門檻，過得人過得自己！＂如果你係 ...
c_Foo 發表於 21-5-2010 01:59 AM

詳情可以睇4月份既sportsoho!
文中題及佢係極不願意提及店名!
不過我唔係佢肚入面個條虫,真情定假意,佢本人先知!

hongdonald

回覆  hongdonald

我又唔覺… 起碼都係以「理」行先～
Homan 發表於 21-5-2010 01:59 AM

前半部份的確係理性討論!
第二個()內既字,我只可以講句"司馬昭之心!路人皆知"

hongdonald

先道個歉.
本人覺得此thread已嚴重OT,如果版主/admin同意
請delete 本thread

c_Foo

回覆 13# hongdonald

＂極唔願意提及店名＂呢d咪假人假義囉，做人係就係唔係就唔係，不過呢個地球內有好多呢d人，只不過假得有冇情趣啫