|
|
登記成為會員，看更多精采內容！
您需要 登錄 才可以下載或查看，沒有賬號？登記成會員
×
今次係小弟第一次跟呢度d車友飛bike, 可惜未能一睹T.T.D.首席車手風釆,但也有幸領教油麻地列柒哥及屯門大師的技藝, 尤其列柒哥的"直路飄移"絕技, 邊個跟佢尾即死! 當晚7pm相約列柒哥於土瓜灣出發,佢話要去榮光街單車店買個絕世好水樽,咁我就先返家換衫及沖番個靚涼先, 差唔多8pm在九龍居見到一個銀色反光半球體從暗處飄近, 睇清楚原來係列柒哥同佢頂頭盔, 一見到佢頂嘢我就有衝動想挪支士巴那扑下佢。我哋決定踩去紅磡車站再搭火車去大學站,一出發就要穿過電單車黨的後卷, 只見一眾車手用驚訝的眼神注視佢頂頭盔! 沿土瓜灣道,大環山道,蕪湖街,機利土路到達火車站, 途中有踩馬路,可能該段路行車速度唔快,所以感覺安全,只要睇清楚路面情況及遵守交通燈號。到咗閘口, 收車入閘, 架車冇入袋都冇職員出聲, 於是快快行入車廂, 由於8點幾都仲有好多人放工返家, 架車去到九龍塘開始多人, 我哋兩架嘢都佔咗唔小空間,都幾唔好意思。終於, 8:45到達大學, 打俾C_foo,佢話坐緊車去沙田,之後再轉火車來,
咁我哋就踩個圈熱熱身先, 一出車站見到美X快餐, 飢餓感覺頓時湧現, 但冇計, 始終要去到大埔先有好嘢食。出咗以車站急不及待開番架車, 由於列柒新買超級無敵霹靂大電筒原來裝唔上佢架車, 只好同我交換(都叫你推埋架車去配啦), 不過支大電筒真係可以媲美車頭燈, 於烏燈黑火的環境下更見其效, 當經過一暗處,見一男一女疑似大學生的青年在鬼混,俾我支車頭燈一照即刻彈開, 真係唔好意思。經過天橋,穿過隧道後進入賽道, 星期五晚的賽道異常冷凊,
久唔久先見到一粒光點從遠處飄近, 舜間又消失於漆黑之中, 我同列柒哥向高科技進發,當到達公厠時,列柒哥突然錶演"直路飄移" 跟在後面的小弟連忙扭軚閃避, 有驚無險, 但佢好似抄咗埋牆, 此時一隊戰車駛至,其中有囗痕友道: 咦? 點解咁都會抄呢, 呢個係一個"迷",相信連當事人都未必清楚。當到達科學園時屯門大師亦已經出咗車站,於是我哋返轉頭會合, 在剛才意外現埸見到一橙衣人,腳踏有紅色閃光的白色跟斗雲漸漸飄近, 原來係大師, 整人就影下相先, 列柒哥嚷著要幫佢頂頭盔影相, 其實我想攞黎照下鏡先。攪完一輪, 再次出發, 但要先去搾搾水, 出來後已唔見咗列柒哥, 我同大師沿途都不見其蹤影,
我哋不時留意下漆黑的海面, 驚佢玩飄移玩到飄咗落海, 好彩最後在元洲仔搵番佢。
 
 border=0 />
 border=0 />
 border=0 />
 border=0 />
我哋經廣福邨入大埔搵嘢食,在經過一條隧道時,列柒哥又來一招"硬撼神主牌" 在旁一對夫婦嚇至彈起, 自始列柒哥便患上"神主牌恐懼症"。大師提起傳說中的雙脾飯,但我只識海逵魚蛋粉同蒸飯,最後搵到間燒鵝飯店, 事頭婆相當好人,容許我哋泊埋d單車入去, 有人直情放喺個大魚缸前面, 我驚破壞人家風水,所以泊埋牆邊, 由於太肚餓,未拍照就掃清碟飯, 我碟叉鵝飯不錯,叉燒簿切,燒鵝啖啖肉, 正! 大師碟芙蓉蛋飯亦不俗,只是少咗d豉油, 列柒哥果碟唔記得係咩, 好似啡啡地色嘅汁加幾塊肉咁樣
 border=0 />
 border=0 />
 border=0 />
食飽又繼續, 出發前先去補水,但買咗支1.5L,大家d樽fill滿後仲有300幾ml, 為咗珍惜食水,於是我哋三個傻佬企響七仔門囗"隊水"
飲飽食醉之後向大尾篤進發, ..............再續
 |
|
發表於 10-4-2010 13:05:09
發表於 10-4-2010 13:26:47
發表於 10-4-2010 20:53:39
發表於 10-4-2010 23:13:11
